បក្សធំទាំងពីរសុទ្ធតែបង្ហាញជំនឿថា នឹងឈ្នះឆ្នោតនាពេលខាងមុខ
គណបក្សប្រជាជនកម្ពុជាដែលកំពុងកាន់អំណាចសព្វថ្ងៃ និងគណបក្សសង្គ្រោះជាតិដែលជាបក្សប្រឆាំងធំជាងគេនៅកម្ពុជា សុទ្ធតែបានអះអាងរៀងៗខ្លួនថា ពួកគេនឹងទទួលបានការគាំទ្រពីប្រជាពលរដ្ឋនិងឈ្នះការបោះឆ្នោតទាំងថ្នាក់ជាតិនិងក្រោមជាតិនាពេលខាងមុខនេះ។ ការបង្ហាញជំនឿមុតមាំដូចគ្នានេះ ធ្វើឡើងស្របពេលដែលគ.ជ.បកំពុងរៀបចំបិទបញ្ជីឈ្មោះបោះឆ្នោតថ្មី ដើម្បីឈានទៅរកការបោះឆ្នោតក្រុមប្រឹក្សាឃុំសង្កាត់នៅដើមខែមិថុនា ឆ្នាំ២០១៧។
ចុះផ្សាយនៅថ្ងៃ៖
ស្តាប់ - ០២:០២
គឺនៅក្នុងមហាសន្និបាតគណៈកម្មាធិការកណ្ដាលលើកទី៤០របស់ខ្លួនដែលធ្វើឡើងនៅថ្ងៃទី១៧ និង១៨ធ្នូនេះ លោកហេង សំរិនប្រធានកិត្តិយសគណបក្សប្រជាជនកម្ពុជានិងកំពុងកាន់តំណែងជាប្រធានរដ្ឋសភាខ្មែរបច្ចុប្បន្នបានគូសបញ្ជាក់ថា គណបក្សប្រជាជនកម្ពុជាបានត្រៀមលក្ខណៈ និងធ្វើគ្រប់កិច្ចការទាំងឡាយទៅតាមច្បាប់ និងបទបញ្ជានីតិវិធីបោះឆ្នោត ដើម្បីឆ្ពោះទៅដណ្ដើមប្រៀបឈ្នះ សម្រាប់ការបោះឆ្នោតនាពេលខាងមុខនេះ។ ជាមួយនឹងការបង្ហាញពីការគ្រប់គ្រងប្រទេសជាវិជ្ជមានរបស់រដ្ឋាភិបាលកម្ពុជា លោកហេង សំរិន ក៏បានសម្តែងក្តីសង្ឃឹមដែរថា ប្រជាជនកម្ពុជានៅតែបន្តផ្ដល់សច្ចធម៌ដល់គណបក្សរបស់លោក តាមរយៈការផ្ដល់ជំនឿទុកចិត្តលើការដឹកនាំរបស់គណបក្សប្រជាជនកម្ពុជាទាំងនៅថ្នាក់ជាតិ និងថ្នាក់ក្រោមជាតិ និងទាំងពេលបច្ចុប្បន្ន និងពេលអនាគត។
ជាការកត់សម្គាល់ ការបង្ហាញភាពជឿជាក់មានជ័យជំនៈមុនការបោះឆ្នោតរបស់គណបក្សប្រជាជនកម្ពុជាជាសាធារណៈនេះ គឺជារឿងមួយដែលគេកម្រនឹងឃើញខ្លាំងណាស់ ព្រោះគណបក្សនេះធ្លាប់បានអះអាងថា គេគិតអំពីសកម្មភាពជាក់ស្ដែងជាងការនិយាយ។
សម្រាប់គណបក្សកាន់អំណាច វាជារឿងកម្រមួយ ប៉ុន្តែបើសម្រាប់គណបក្សប្រឆាំងវិញ វាគឺជារឿងជាញឹកញយ ព្រោះកន្លងមកគណបក្សសង្គ្រោះជាតិតែងតែបង្ហាញថាខ្លួននឹងឈ្នះការបោះឆ្នោត ហើយពេលនេះ គណបក្សនេះក៏នៅតែមានជំនឿបែបនេះទៀត។ គឺនៅក្នុងវីឌីអូឃ្លីបមួយនៅលើទំព័រហ្វេសប៊ុករបស់លោកសម រង្ស៊ី លោកប្រមុខគណបក្សប្រឆាំងរូបនេះបាននិយាយពេញៗមាត់ថា រដ្ឋាភិបាលថ្មីដែលដឹកនាំដោយគណបក្សសង្គ្រោះជាតិនៅពេលដែលលោកកំពុងបំពេញទស្សនៈកិច្ចនៅអាមេរិក។ បន្ថែមលើនេះ លោកសម រង្ស៊ី ថែមទាំងចាត់ទុកគណបក្សដែលមិនទទួលស្គាល់បរាជ័យរបស់ខ្លួនក្រោមស្នាដៃស្របច្បាប់របស់គណបក្សសង្គ្រោះជាតិថា ជាក្រុមឧទ្ទាមទៀតផង។
សូមជំរាបជូនថា ការបោះឆ្នោតជ្រើសរើសក្រុមប្រឹក្សាឃុំសង្កាត់នឹងប្រព្រឹត្តទៅនៅថ្ងៃទី៤ មិថុនា ឆ្នាំ២០១។ រីឯការបោះឆ្នោតជ្រើសរើសតំណាងរាស្ត្របង្កើតរដ្ឋាភិបាលថ្មីវិញ នឹងធ្វើឡើងនៅក្នុងឆ្នាំ២០១។ ក្រុមអ្នកជំនាញលើការងារបោះឆ្នោតបានលើកឡើងថា លទ្ធផលនៃការបោះឆ្នោតឃុំសង្កាត់នាពេលខាងមុខនេះ នឹងជះឥទ្ធិពលដល់លទ្ធផលនៃការបោះឆ្នោតជាតិផងដែរ ព្រោះវាប្រព្រឹត្តទៅកៀកពេលគ្នា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ