តុលាការលើកលែងការចោទប្រកាន់លើសកម្មជនសិទ្ធិមនុស្ស លោក ចាន់ សុវ៉េត
លោក ចាន់ សុវ៉េត អនុប្រធានផ្នែកស៊ើបអង្កេត របស់សមាគមសិទ្ធិមនុស្ស អាដហុក បានឲ្យដឹងនៅថ្ងៃសុក្រនេះថា ចៅក្រមស៊ើបសួររបស់តុលាការ សាលាដំបូងរាជធានីភ្នំពេញ លោក ឆែ វីរៈ បានសម្រេចលើកលែងការចោទប្រកាន់លើរូបលោកហើយ។
ចុះផ្សាយនៅថ្ងៃ៖
កាលពីខែសីហា ឆ្នាំ២០១២ លោក ចាន់ សុវ៉េត ត្រូវបានចៅក្រម ចេញដីកាស៊ើបសួរ ចោទប្រកាន់ក្នុងរឿងជួយដល់ជនជាប់ចោទ ដែលពាក់ព័ន្ធនឹងរឿងបង្កើតតំបន់អបគមន៍ ប្រឆាំងរដ្ឋាភិបាល តាមរយៈជម្លោះដីធ្លី នៅភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ ឲ្យរត់គេចខ្លួន កាលពីខែឧសភា។
ចំពោះការសម្រេចរបស់ចៅក្រម ក្នុងការលើកលែងការចោទប្រកាន់នេះ ត្រូវបានលោក ចាន់ សុវ៉េត អះអាងថា លោកមិនមានការភ្ញាក់ផ្អើល ឬក៏សប្បាយខ្លាំងក្លានោះទេ ពីព្រោះថា នៅក្នុងដំណើរការក្តីក្នុងតុលាការកម្ពុជា មានចំណុចខ្លះ មានភាពមិនប្រក្រតីច្រើន ដែលគេចាត់ទុកថា តុលាការកម្ពុជា មិនមានភាពឯករាជ្យ ដូចជា ករណី ប៊ុន សំណាង សុកសំអឿន ករណីលោក ម៉ម សូណង់ដូ និងស្ត្រីអ្នកភូមិបឹងកក់ យ៉ោម បុប្ផា រួមទាំងករណីសកម្មជនដីធ្លីដទៃទៀត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ