លោកហ៊ុន សែន អន់ចិត្តនឹងអាមេរិករឿងសមុទ្រចិនខាងត្បូង
ថ្លែងក្នុងពិធីចែកសញ្ញាបត្រ ដល់និស្សិតនៃសកលវិទ្យាល័យជាតិគ្រប់គ្រង នៅព្រឹកថ្ងៃទី ៥កុម្ភៈនេះ លោកនាយករដ្ឋមន្ត្រីហ៊ុន សែន នៅតែប្រកាសជំហកណ្តាលពីបញ្ហាជម្លោះសមុទ្រចិនខាងត្បូង ហើយប្រកាន់ថា កម្ពុជា ជាប្រទេសដែលមាននយោបាយការបរទេសឯករាជ្យ អព្យាក្រឹត មិនតម្រូវឲ្យសុំយោបល់ពីនរណាទាំងអស់ ចំពោះបញ្ហាផ្ទៃក្នុងរបស់ខ្លួន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤១
ការប្រកាសនេះ ព្រោះថាកម្ពុជា ជាសម្ព័ន្ធមិត្តដ៏ស្និទ្ធបំផុត ទាំងជាមួយចិន និងអាមេរិក។ ចិន និងអាមេរិក ដែលពេលនេះ កំពុងតែមានបញ្ហានឹងគ្នា រឿងសមុទ្រចិនខាងត្បូង។ តែយ៉ាងណា លោកហ៊ុន សែន បានសម្តែងការខកចិត្ត ចំពោះអាមេរិក ព្រោះមហាអំណាចនេះ ធ្លាប់បានចោទកម្ពុជា ថាជាផ្នែកមួយ ដែលមិនអាចធ្វើឲ្យអាស៊ានសម្រេចបាននូវកិច្ចព្រមព្រៀង COC កាលពីឆ្នាំ ២០១២ ពេលកម្ពុជាជាម្ចាស់ផ្ទះរៀបចំជំនួបកំពូលអាស៊ាន។ នាយករដ្ឋមន្ត្រី ដែលកាន់អំណាចជាង៣០ឆ្នាំរូបនេះ ចង់ឱ្យលោកចន ឃឺរី ប្រមុខការទូតអាមេរិក សងយុត្តិធម៌ដល់រូបលោក រឿងសមុទ្រចិនខាងត្បូងវិញ។ លោកថា រឿងតំបន់ គួរតែឱ្យប្រទេសដែលពាក់ព័ន្ធដោះស្រាយជាមួយគ្នា មិនគួរបន្ទោសសម្ព័ន្ធមិត្តណាម្នាក់ឡើយ។
សូមស្តាប់ប្រសាសន៍របស់លោកនាយករដ្ឋមន្ត្រី៖
ប្រសាសន៍របស់លោកនាយករដ្ឋមន្ត្រីហ៊ុន សែន
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ