ទស្សនកិច្ចរបស់លោកនាយករដ្ឋមន្ត្រីចិននៅប្រទេសក្រិក
លោកនាយករដ្ឋមន្ត្រីចិន Wen Jiabaoស្ថិតនៅអឺរ៉ូប នៅចុងសប្តាហ៍នេះ។ជាដំណើរទស្សនកិច្ចដែលចាប់ផ្តើមនៅប្រទេសក្រិក ជាទីដែលប្រទេសទាំងពីរបម្រុងនឹងចងសម្ពន្ធភាពពាណិជ្ជកម្មថ្មីៗ។គឺ ជាលាភមួយសំរាប់ប្រទេសក្រិកដែលរងគ្រោះដោយវិបត្តិ ប៉ុន្តែក៏ជាលាភមួយសំរាប់ប្រទេសចិនដែរ។
ចុះផ្សាយនៅថ្ងៃ៖
សេចក្តីរាយការណ៍របស់ វីនស្តុន រតនា
គឺជាលើកទីមួយហើយ ចាប់តាំងពី២៤ឆ្នាំមកដែលមាននាយករដ្ឋមន្ត្រីចិនមួយរូបបំពេញទស្សនកិច្ច នៅប្រទេសក្រិក។ជាសញ្ញាមួយដែលបង្ហាញថាប្រទេសទាំងពីរត្រៀមខ្លួននឺងធ្វើbusiness ដ្បិតម្នាក់ៗមានផលប្រយោជន៍រៀងៗខ្លួន។
សំរាប់Athènesវិញ ក្រយាតំណាំងគឺធ្វើឱ្យសេដ្ឋកិច្ចប្រទេសជាតិចេញពីដំណើរថយក្រោយឱ្យបានឆាប់រហ័ស។វិបត្តិបានបន្ទន់បន្សោយសេដ្ឋកិច្ចរបស់ខ្លួន។ប្រទេសក្រិកខ្វះវិនិយោគទុនបរទេស។ឃើញថា ប្រទេសចិនអាចនឹងក្លាយទៅជាដៃគូមួយប្រកបដោយឯកសិទ្ធិ។
សំរាប់ប៉េកាំង ប្រទេសក្រិកជាបឋមគឺជាការធ្វើវិនិយោគទុនប្រកបដោយអត្ថប្រយោជន៍ ដោយសារសេដ្ឋកិច្ចក្រិកមានសុខភាពទន់ខ្សោយ ប៉ុន្តែ ជាពិសេស ប្រទេសក្រិកគឺជាទ្វារចូលមួយដ៏សំខាន់ទៅក្នុងភូមិភាគBalkans ប្រកបដោយច្រកចូលទៅកាន់ធនធានធម្មជាតិមិនតិចទេនៃភូមិភាគ។
វត្តមានរបស់ចិនពុំមែនជារឿងថ្មីឡើយ។ប៉េកាំងមានរួចទៅហើយនូវសម្បទានពីរនៃឋបនភ៍ណ្ឌចុងបំផុតនៃកំពង់ផែដ៏ល្បីឈ្មោះPirée។នៅថ្ងៃនេះ ប៉េកាំងត្រៀមខ្លួននឹងដាក់ទុនរាប់ជាច្រើនពាន់លានអឺរ៉ូ ដើម្បីធ្វើឱ្យកំពង់ផែនេះក្លាយទៅជាក្បាលស្ពាននៅក្នុងភូមិភាគ។
នៅខណៈនេះ មានគ្រាន់តែជាការចរចាគ្នាប៉ុណ្ណោះ ប៉ុន្តែប្រទេសក្រិកត្រូវគេប្រញាប់ឱ្យចុះកុងត្រា។លោករដ្ឋមន្ត្រីក្រិកទទួលបន្ទុកខាងវិនិយោគទុន Haris Pamboukisទើបនឹងបង្ហើយគម្រោងច្បាប់ដែលចាប់ពីអំណើះតទៅនឹងអនុញ្ញាតឱ្យពន្លឿនហើយនិងជួយសម្រួលដល់វិនិយោគទុនបរទេស៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ