ថៃ៖របបសឹកកំពុងបន្តរក្សាគំនាបលើក្រុមប្រឆំាងក្នុងខួប ១ឆ្នំានៃរដ្ឋប្រហារយោធា
២២ ឧសភា ២០១៤-២២ ឧសភា ២០១៥ ថ្ងៃនេះ ជាខួប ១ឆ្នំាគត់នៃរដ្ឋប្រហារយោធាដឹកនំាដោយឧត្តមសេនីយ៍ប្រាយុទ្ធ ចាន់អូចាទម្លាក់រដ្ឋាភិបាលស្របច្បាប់របស់ពួកអាវក្រហម។ ក្រុមអាវក្រហមមិនបានរៀបចំក្បួនបាតុកម្មអ្វីដើម្បីប្រឆំាងនឹងរបបសឹកនៅក្នុងឱកាសខួបគម្រប់ ១ឆ្នំានៃរដ្ឋប្រហារយោធានៅថ្ងៃនេះទេ តែមានសកម្មភាពតូចតាចមួយចំនួនបានរៀបចំដោយក្រុមអ្នកប្រឆំាងនឹងរបបសឹកក្នុងទីក្រុងបាងកក។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៦
ក្រុមប្រឆំាងដែលមានឈ្មោះថា « Resistant Citizen » បានដើរដង្ហែរក្បួនទៅកាន់តុលាការក្នុងទីក្រុងបាងកកដើម្បីដាក់ពាក្យប្តឹងលោកឧត្តមសេនីយ នាយករដ្ឋមន្រ្តីប្រាយុទ្ធ ចាន់អូចាពីបទក្បត់ជាតិ។ ក្រុមប្រឆំាងមួយនេះបានបញ្ជាក់នៅក្នុងទំព័របណ្តាញសង្គម Facebook របស់ខ្លួនថា បើយោងតាមមាត្រាទី១១៣ នៃច្បាប់ព្រហ្មទ័ណ្ឌ ការធ្វើរដ្ឋប្រហារយោធាទម្លាក់រដ្ឋាភិបាលមួយដែលជាប់ឆ្នោតតាមបែបប្រជាធិបតេយ្យ គឺជាទង្វើក្បត់ជាតិ។ ក្រៅពីសកម្មភាពរបស់ក្រុម « Resistant Citizen » ក៏គេសង្កេតឃើញមានពិធីដង្ហែរក្បួនជាក្រុមតូចៗចូលរួមដោយនិស្សិត និងអ្នកជំនាញក្នុងទីក្រុងបាងកកនាក្បាលព្រលប់នេះ។ ចំណែកក្រុមអាវក្រហមដែលជាអ្នករងគ្រោះផ្ទាល់ពីរដ្ឋប្រហារយោធាកាលពី ១ឆ្នំាមុនបានអះអាងថា ពួកគេមិនមានគម្រោងរៀបចំអ្វីនាឱកាសនេះទេ។
គួររម្លឹកជូនឡើងវិញថា បន្ទាប់ពីពួកអាវលឿងបានធ្វើបាតុកម្មប្រឆំាងនឹងរដ្ឋាភិបាលរបស់ពួកអាវក្រហមរបស់លោកស្រីនាយករដ្ឋមន្រ្តីយីងឡាក់អស់ជាច្រើនខែមក លោកឧត្តមេសនីយប្រាយុទ្ធ ចាន់អូចាក៏សម្រេចធ្វើរដ្ឋប្រហារទម្លាក់រដ្ឋាភិបាលស្របច្បាប់របស់លោកស្រីយីងឡាក់ក្នុងថ្ងៃទី២២ ឧសភា ឆ្នំា ២០១៤ ដោយលើកយកហេតុផលថា គឺដើម្បីរៀបចំសណ្តាប់ធ្នាប់សង្គមឡើងវិញ។ ពេញមួយឆ្នំានៃការកាន់អំណាចរបស់លោកចាន់អូចា មានអ្នកនយោបាយរបស់ពួកអាវក្រហមជាច្រើនរូប រាប់ទំាងលោកស្រីយីងឡាក់ផងបានទទួលការកាត់ទោសនៅឯតុលាការ។ បន្ទាប់ពីបានទទួលទោសមិនឲ្យធ្វើនយោបាយរយៈពេល ៥ឆ្នំាមក លោកស្រីយីងឡាក់អាចនឹងទទួលទោសជាប់គុក ១០ឆ្នំាពីបទពុករលួយ។
មួយឆ្នំាក្រោយរដ្ឋប្រហារយោធាមក របបសឹកកំពុងកាន់អំណាចយ៉ាងណែនក្នុងដៃ និងហាក់ដូចជាមិនទាន់បានត្រៀមខ្លួនដើម្បីចុះចេញដើម្បីប្រគល់ទៅឲ្យក្រុមស៊ីវិលទេ។ ផ្ទុយទៅវិញ របបសឹកបាន និងកំពុងបន្តប្រើគ្រប់វិធានការទំាងអស់ដើម្បីបំបិទមាត់អ្នកប្រឆំាង ពិសេសទប់ស្កាត់កុំឲ្យត្រកូលថាក់ស៊ីនអាចវិលត្រឡប់ចូលឆាកនយោបាយថៃជាថ្មី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ