គណបក្សចំនួន២ចេញមុខប្រកាសមិនទទួលស្គាល់លទ្ធផលបោះឆ្នោតអាណត្តិទី៦នេះ
យ៉ាងហោចគណបក្សចំនួនពីរដែលចូលរួមការបោះឆ្នោតថ្ងៃទី២៩ខែកក្កដាកន្លងមកនេះ បានចេញមុខមកប្រកាសថាពួកគេមិនទទួលស្គាល់លទ្ធផលបោះឆ្នោតនេះទេដោយថាមានភាពមិនប្រក្រតីជាច្រើន។ គណបក្សទាំងនេះគឺពុំទទួលបានអាសនៈរដ្ឋសភានោះឡើយ។ ជាមួយនឹងការប្រកាសមិនទទួលស្គាល់លទ្ធផលបោះឆ្នោតបែបនេះ លោក ហួន រាជចំរើនប្រធានគណបក្សខ្មែរអភិវឌ្ឍន៍សេដ្ឋកិច្ច ក៏បានព្រមានធ្វើបាតុកម្មផងដែរ។ចំណែកគណបក្សរស្មីខេមរា ក៏បានប្រកាសមិនទទួលស្គាល់លទ្ធផលនៃការបោះឆ្នោតនេះដែរ។ ក្នុងលិខិតជូនដំណឹងចុះថ្ងៃទី៣១ កក្កដា ផ្ញើទៅកាន់ស្ថានទូតចំនួន៨ ប្រធានគណបក្សរស្មីខេមរា លោក ស៊ិន សុភាព បញ្ជាក់ថា ការមិនទទួលស្គាល់លទ្ធផលបោះឆ្នោតនៅពេលនេះដោយសារការបោះឆ្នោតមិនមានភាពសេរី ត្រឹមត្រូវ និងយុត្តិធម៌៕
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤១