រដ្ឋមន្ត្រីអប់រំ៖ វិញ្ញាសាប្រឡងបាក់ឌុបឆ្នាំនេះ មិនធូរឬខ្សោយជាងឆ្នាំមុនទេ តែមកពីសមត្ថភាពកូនសិស្សកើនឡើង!
ចុះផ្សាយនៅថ្ងៃ៖
ស្តាប់ - ១៣:៤៨
ថ្ងៃទី២៣សីហានេះ គឺជាថ្ងៃបិទបញ្ចប់ការប្រឡងមធ្យមសិក្សាទុតិយភូមិ ឬបាក់ឌុប ឆ្នាំ២០១៦។ ដូច្នេះភ្ញៀវប្រចាំថ្ងៃរបស់យើងនៅយប់នេះ គឺលោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា។ លោករដ្ឋមន្ត្រីបញ្ជាក់ថា ការបើកចម្លង ការយកទូរសព្ទនិងសំណៅឯកសារចូលបន្ទប់ប្រឡង គឺអាចលុបបំបាត់បាន ស្ទើរតែទាំងស្រុង។ចំពោះវិញ្ញាសាប្រឡងបាក់ឌុបឆ្នាំនេះវិញ លោក ហង់ ជួនណារ៉ុន អះអាងថា មិនធូរឬខ្សោយជាងឆ្នាំមុននោះទេ តែគឺមកពីសមត្ថភាពកូនសិស្សកើនឡើង! ក៏ប៉ុន្តែយ៉ាងណាក៏ដោយ ដើម្បីឲ្យមានតម្លាភាពនិងភាពជាក់ច្បាស់មែនទែន ក្រសួងនឹងបង្កើតគណៈកម្មការវាយតម្លៃចំពោះកម្រិតវិញ្ញាសានេះបន្ថែមទៀត។រីឯចំពោះសិស្សពិការមួយចំនួនវិញ លោករដ្ឋមន្ត្រីសារភាពថា ក្រសួងទទួលព័ត៌មានមិនអស់គ្រប់ជ្រុងជ្រោយ! ប៉ុន្តែលោកសន្យានឹងកែសម្រួលឲ្យកាន់តែប្រសើរសម្រាប់ឆ្នាំក្រោយទៀត។តទៅនេះ សូមអញ្ជើញស្តាប់បទសម្ភាសទាំងស្រុងរវាង ហេង ឧត្តម និងលោករដ្ឋមន្ត្រីក្រសួងអប់រំយុវជននិងកីឡា ៖
