លោកលឹម គានហោ៖ កម្ពុជាចង់ឲ្យឡាវផ្អាកគម្រោងសង់ទំនប់សាយ៉ាបូរីរយៈពេល១០ឆ្នាំ
ចុះផ្សាយនៅថ្ងៃ៖
ស្តាប់ - ០៤:៤៦
ភ្ញៀវប្រចាំសប្តាហ៍របស់យើង នៅថ្ងៃនេះ គឺលោកលឹម គានហោ រដ្ឋមន្រ្តីក្រសួងធនធានទឹក និងឧតុនិយម និងជាប្រធានគណៈកម្មាធិការជាតិទន្លេមេគង្គកម្ពុជា។ ក្នុងរយៈពេលប៉ុន្មានថ្ងៃចុងក្រោយនេះ គេឃើញមានភាពចម្រូងចម្រាសគ្នា នៅក្នុងចំណោមប្រទេសសមាជិកគណៈកម្មការទន្លេមេគង្គ រួមមានកម្ពុជា វៀតណាម ឡាវ និងថៃ។ បញ្ហា គឺកើតឡើងជុំវិញការព្រួយបារម្ភ ស្តីពីផលប៉ះពាល់ នៃគម្រោងរបស់ឡាវ ដែលចង់សង់ទំនប់វារីអគ្គិសនី ឆ្លងកាត់ទន្លេមេគង្គ។ ក្នុងបទសម្ភាសន៍ជាមួយ សេង ឌីណា លោកលឹម គានហោ បានបញ្ជាក់ថា ជំហររបស់រដ្ឋាភិបាលកម្ពុជា គឺចង់ឲ្យឡាវផ្អាកគម្រោងសាងសង់ទំនប់វារីអគ្គិសនីនេះ រយៈពេល ១០ឆ្នាំ ដើម្បីទុកពេលវេលា ធ្វើការសិក្សាឲ្យបានម៉ត់ចត់អំពីផលប៉ះពាល់នៃគម្រោង។