គណៈកម្មាធិការបេតិកភណ្ឌពិភពលោកបានបញ្ចូលសម្បត្តិបេតិកភណ្ឌពិភពលោកចំនួន១៩ទៀត
រហូតដល់ថ្ងៃអាទិត្យទី២៣ ខែមិថុនានេះ គណៈកម្មាធិការបេតិកភណ្ឌពិភពលោក ដែលមានកម្ពុជាជាប្រធានប្តូរវេន បានសម្រេចបញ្ចូលសម្បត្តិបេតិកភណ្ឌថ្មីសរុប ចំនួន១៩។ សម្បត្តិបេតិកភណ្ឌដែលបានសម្រេចបញ្ចូល នោះមានបីប្រភេទ គឺសម្បត្តិបេតិកភណ្ឌធម្មជាតិ ជីវៈចម្រុះ និងរប្បធម៌។
ចុះផ្សាយនៅថ្ងៃ៖
ស្តាប់ - ០១:៥២
ពេញមួយព្រឹក នៅថ្ងៃទី២៣ មិថុនានេះ កិច្ចប្រជុំគណៈកម្មាធិការពេញអង្គលើកទី ៣៧ ដែលកម្ពុជាប្រធាន បានសម្រេចបញ្ចូល បេតិកភណ្ឌវប្បធម៌ថ្មី៣បន្ថែមហើយ ជាសម្បត្តិបេតិកភណ្ឌពិភពលោក។ បេតិកភណ្ឌពិភពលោក ដែលជាសម្បត្តិទូទៅរបស់មនុស្សជាតិ។ សម្បត្តិបេតិកភណ្ឌទាំងបីនេះ រួមមានទីក្រុងបូរាណរបស់ប្រទេសអ៊ុយក្រែន និងវិមានGolestanរបស់ប្រទេសអ៊ីរ៉ង់ និងបូជនីយស្ថានប្រវត្តិសាស្ត្ររបស់ប្រទេសកូរ៉េខាងជើង។
រីឯសំណើដាក់បញ្ចូលជាសម្បត្តិបេតិកភណ្ឌវប្បធម៌មួយផ្សេងទៀតរបស់ប្រទេសអ៊ីរ៉ង់ ត្រូវបានគណៈកម្មាធិការបេតិកភណ្ឌពិភពលោកលើកទី ៣៧នេះ សម្រេចផ្ទេរទៅក្នុងកិច្ចប្រជុំលើកទី៣៨ នៅឆ្នាំក្រោយជាបន្ត។ កិច្ចប្រជុំលើកទី ៣៨ ដែលគណៈកម្មាធិការបេតិកភណ្ឌពិភពលោក នឹងប្រារព្ធធ្វើឡើង នៅប្រទេសកាតាឆ្នាំ2014។
សូមរំលឹកថា គណៈកម្មាធិការបេតិកភណ្ឌពិភពលោកលើកទី ៣៧ បានសម្រេចបញ្ចូលបេតិកភណ្ឌ ចំនួន ១៩ ហើយចូលជាសម្បតិ្តបេតិកភណ្ឌពិភពលោក។ នៅក្នុងនោះ ក៏មានមានដែរ ភ្នំហ្វូជី របស់ប្រទេសជប៉ុន ភ្នំធានសាន របស់ប្រទេសចិន តំបន់អភិរក្សសត្វព្រៃ Lewa របស់ប្រទេសកេនយា វិហារសាសនាគ្រិស្តរបស់ ប្រទេសប៉ូឡូញ និង អ៊ុយក្រែន ផងដែរ។
គួរបញ្ជាក់ថា គណៈកម្មាធិការបេតិកភណ្ឌពិភពលោក លើកទី៣៧ បានបើកកិច្ចប្រជុំសម្រេចលើសំណើសុំជាសម្បត្តិបេតិកភណ្ឌ ចាប់តាំងពីថ្ងៃទី ២១ ខែមិថុនា។ សំណើសុំជាសម្បត្តិបេតិកភណ្ឌទាំង៣១ ដែលបានស្នើសម្រាប់កិច្ចប្រជុំលើកទី៣៧នេះ រួមមាន មានចំនួន៣ប្រភេទ គឺសម្បត្តិធម្មជាតិ និងសម្បតិ្តជីវចម្រុះ រួមទាំងសម្បតិ្តវប្បធម៌ផងដែរ។
រហូតដល់ឆ្នាំ២០១២ សម្បត្តិបេតិកភណ្ឌមនុស្សជាតិ ចំនួន ៩៦២ ត្រូវបានពិភពលោកទទួលស្គាល់ជាសម្បត្តិបេតិកភណ្ឌ។ ក្នុងនោះ ក៏មានដែរ សម្បត្តិបេតិកភណ្ឌរបស់កម្ពុជា។ គណៈកម្មាធិការបេតិកភណ្ឌពិភពលោក នឹងបើកកិច្ចប្រជុំរបស់ខ្លួន សម្រេចលើសំណើដាក់បញ្ចូលសម្បតិ្តបេតិកភណ្ឌចម្រុះ នៅរសៀល ថ្ងៃអាទិត្យនេះជាបន្ត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ