ថៃចង់ឱ្យពលករខ្មែរត្រឡប់ទៅថៃវិញ តែស្របច្បាប់
ចុះផ្សាយនៅថ្ងៃ៖
ស្តាប់ - ០៨:០៣
ក្រោយការបញ្ជូនកម្មករកម្ពុជាខុសច្បាប់រាប់សែននាក់ ត្រឡប់ពីប្រទេសថៃវិញ ប្រទេសថៃបានចេញសម្របសម្រួល និងដាក់ឱ្យដំណើរការនូវយន្តការមួយចំនួន ដើម្បីឱ្យពលករ ដែលកំពុងបម្រើការខុសច្បាប់ ក្នុងទឹកដីថៃ និងអ្នកមានបំណងធ្វើ ក្នុងទឹកដីថៃ ក្លាយជាពលករស្របច្បាប់។ យន្តការទាំងនោះ គឺមានការបង្រួញរយៈពេលផ្តល់ទិដ្ឋាការ និងការបង្កើតការិយាល័យចេញចូលតែមួយ នៅតាមច្រកព្រំដែន។ មន្ត្រីជាន់ខ្ពស់ថៃ បានបញ្ជាក់ថា ពលករបរទេស ដែលធ្វើការ នៅក្នុងប្រទេសថៃ គឺជាមូលដ្ឋានជំរុញសេដ្ឋកិច្ចថៃ។ ប៉ុន្តែសង្គមស៊ីវិល បានលើកឡើងថា កម្ពុជា និងថៃ គួរចុះកិច្ចព្រមព្រៀង ជាមួយគ្នាជាមុនសិន ដោយបង្ហាញពីលក្ខណៈបញ្ជូនពលករ និងយន្តការដោះស្រាយពេលមានបញ្ហាផងដែរ។
