ព្រះសង្ឃពីរអង្គ ត្រូវបានប៉ូលិស ឃាត់ខ្លួន
ព្រះសង្ឃពីរអង្គ ព្រះនាម នីន និងព្រះនាម វណ្ណា គង់នៅកុដិលេខ៤៤ស្ថិតក្នុងវត្តស្ទឹងមានជ័យ ត្រូវបានប៉ូលិស ឃាត់ខ្លួន ខណៈដែលព្រះអង្គទាំងពីរ និមន្តទៅវត្តសាមគ្គីរង្សី ក្នុងបំណងចូលរួមទាមទារយុត្តិធម៌ដីធ្លី ជាមួយប្រជាពលរដ្ឋរងគ្រោះដីធ្លី ដែលកំពុងស្នាក់នៅវត្តសាមគ្គីរង្សី។ អាជ្ញាធរអះអាងថា ព្រះតេជគុណទាំងពីរព្រះអង្គ មានទង់ជាតិ និងទង់សាសនា ភ្ជាប់នឹងដំបងជ័រ និងឫស្សីជាច្រើន។
ចុះផ្សាយនៅថ្ងៃ៖
ចំណែកពលរដ្ឋបឹងកក់ ៣ នាក់ និងព្រះសង្ឃមួយអង្គ ដែលត្រូវបានចាប់ខ្លួន នៅមុខតុលាការសាលាដំបូងរាជធានីភ្នំពេញ កាលពីថ្ងៃទី១១វិច្ឆិកា គឺនៅព្រឹកថ្ងៃទី១២វិច្ឆិកានេះ ត្រូវបានប៉ូលិសបញ្ជូន ទៅកាន់តុលាការសាលាដំបូងរាជធានីភ្នំពេញ។ លោក អំ សំអាង សកម្មជនសិទ្ធិមនុស្ស អង្គការ លីកាដូ ដែលបានតាមដានសំណុំរឿងចាប់ខ្លួននោះ បានឲ្យដឹងថា ប្រជាពលរដ្ឋបឹងកក់ ទាំង ៣ នាក់ ត្រូវបានព្រះរាជអាជ្ញា ចោទប្រកាន់ពីបទប្រមាថមន្ត្រីរាជការសាធារណៈ រីឯព្រះសង្ឃ សឺនហាយ ដែលប៉ូលិសចាប់ផ្សឹក បន្ទាប់ពីចាប់ខ្លួន កាលពីថ្ងៃទី១១វិច្ឆិកា ត្រូវបានចោទប្រកាន់ពីបទធ្វើឲ្យប៉ះពាល់ ដល់សាសនា។
ជាការកត់សម្គាល់ ការចាប់ខ្លួនប្រជាពលរដ្ឋបឹងកក់ និងព្រះសង្ឃ ខាងលើនេះ បានធ្វើឡើង ខណៈដែលចៅក្រមតុលាការសាលាដំបូងរាជធានីភ្នំពេញ កាលពីល្ងាចថ្ងៃទី១១វិច្ឆិកាម្សិលមិញ បានចេញសាលក្រមផ្តន្ទាទោសស្ត្រីអ្នកភូមិបឹងកក់ ៧ នាក់ ដាក់ពន្ធនាគារ ១ ឆ្នាំ និងពិន័យជាប្រាក់ ២ លានរៀល ក្នុងម្នាក់ៗ ពីបទបិទផ្លូវ ធ្វើឲ្យកកស្ទះចរាចរណ៍៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ