ប្រមុខការបរទេសកម្ពុជាលោកហោ ណាំហុង បំពេញទស្សនកិច្ចនៅរុស្ស៊ី
លោកប្រមុខការទូតកម្ពុជា ដែលម្សិលមិញ បានចូលរួមក្នុងកិច្ចប្រជុំនៃ “គណៈកម្មការ អន្តររដ្ឋាភិបាលកម្ពុជា-រុស្ស៊ី” នៅម៉ូស្គូ ថ្ងៃនេះ បានជួបចរចា ជាមួយសមភាគីរុស្ស៊ី។ ជាលទ្ធផល នៃកិច្ចប្រជុំគណៈកម្មការអន្តររដ្ឋាភិបាលកម្ពុជា-រុស្ស៊ី ដែលមានរូប លោក ហោ ណាំហុង ឧបនាយករដ្ឋមន្ត្រី រដ្ឋមន្ត្រីការបរទេសកម្ពុជា ជាសហប្រធាន ពីខាង ភាគីខ្មែរ គូភាគីបានចុះហត្ថលេខាលើ “កម្មវិធីនៃសកម្មភាពរួមក្នុងវិស័យទេសចរណ៍” ហើយ ថ្ងៃនេះ ក្នុងជំនួបជាមួយ សមភាគីរុស្ស៊ី លោក ស៊ែរហ្គៃ ឡាវ៉្រូវ គឺមានចុះបាន “ផែនការនៃកិច្ចពិគ្រោះ រវាងក្រសួងការបរទេសរុស្ស៊ីនិងកម្ពុជា សម្រាប់ឆ្នាំ២០១៥-២០១៧។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៣០
ថ្លែងទៅពួកអ្នកកាសែត បន្ទាប់ពីកិច្ចប្រជុំ នៃគណៈកម្មការអន្តររដ្ឋាភិបាលកម្ពុជា-រុស្ស៊ី ខាងសហប្រតិបត្តិការពាណិជ្ជកម្ម-សេដ្ឋកិច្ច និង វិទ្យាសាស្ត្រ-បច្ចេកទេស ដែលមានរូបលោក ជាសហប្រធានពីខាងភាគីកម្ពុជា លោក ហោ ណាំហុង ឧបនាយករដ្ឋមន្ត្រី រដ្ឋមន្ត្រីការបរទេស កម្ពុជា ដោយឆ្លើយតបនឹងសំនួរ ៖ តើកម្ពុជាត្រៀមឆ្លងឬទេ ទៅទូទាត់ជាមួយអ្នកទេសចររុស្ស៊ី ជាប្រាក់រូប្លរុស្ស៊ី ដូចដែលប្រទេសអេស្ហ៊ីពគ្រោងធ្វើ? បានថ្លែងថា ៖ យើងមិនឃើញមានបញ្ហា អ្វីទេ ក្នុងការឆ្លងទៅទូទាត់ ជាប្រាក់រូប្ល ជាមួយពួកអ្នកទេសចររុស្ស៊ី ហើយកម្ពុជាត្រៀមពិភាក្សាបញ្ហានេះ។
តាមប្រសាសន៍លោកប្រមុខការទូតខ្មែរ ៖ ខ្ញុំមិនឃើញមានបញ្ហាអ្វីជាធំដុំឡើយ ក្នុងរឿងនេះ។ សំខាន់បំផុត យើងរីករាយនឹងស្វាគមពួកអ្នកទេសចររុស្ស៊ីដែលទៅទស្សនាប្រទេសកម្ពុជា។ ប្រាក់រូប្ល ឬរូបិយវត្ថុណាផ្សេង មិនមែនជាបញ្ហាចម្បងឡើយ។ សំខាន់ គឺយើងមានលទ្ធភាពអភិវឌ្ឍវិស័យនេះ ក្នុងបរិបទនៃសក្តានុពលពាណិជ្ជកម្ម-សេដ្ឋកិច្ចនិងវិនិយោគ។ យើងស្វាគម ពួកអ្នកទេសចររុស្ស៊ី ដែលទៅសម្រាកក្នុងប្រទេសកម្ពុជា។
លោក ហោ ណាំហុង បានឲ្យដឹងថា គូភាគី បានចុះនឹងគ្នា គឺ កម្មវិធីនៃសកម្មភាពរួម រុស្ស៊ី-កម្ពុជា លើវិស័យទេសចរណ៍។
ចំណេកលោករដ្ឋមន្ត្រីក្រសួងទូរគមនាគមន៍រុស្ស៊ី Nicolai Nikiforov ដែលជាសហប្រធាន គណៈកម្មការអន្តររដ្ឋាភិបាល ពីខាងភាគីរុស្ស៊ី បានកត់សម្គាល់ថា បច្ចុប្បន្នមានអ្នកទេសចររុស្ស៊ី ច្រើនបង្គួរទៅទស្សនាប្រទេសកម្ពុជា ដោយក្នុងឆ្នាំ២០១៤កន្លងទៅ ចំនួននេះឡើងដល់ ១សែន ៣ម៉ឺននាក់ទៅហើយ។
នាកិច្ចចរចាថ្ងៃនេះ លោកប្រមុខការទូតរុស្ស៊ី ស៊ែរហ្គៃ ឡាវ៉្រូវ និងលោករដ្ឋមន្ត្រីការបរទេស កម្ពុជា ហោ ណាំហុង បានលើកយកទៅពិភាក្សា សភាពការណ៍បច្ចប្បន្ន និងទស្សនវិស័យ នៃ ការស៊ីជម្រៅសហប្រតិបត្តិការទ្វេភាគីដែលមានន័យអនុវត្ត បានផ្ទៀងផ្ទាត់គោលជំហរប្រទេសទាំងពីរ ជុំវិញបញ្ហាអន្តរជាតិនិងតំបន់ ដែលប្រកបដោយបច្ចប្បន្នភាពបំផុត។ ជាលទ្ធផលជំនួប គឺមានចុះបាន “ផែនការនៃកិច្ចពិគ្រោះ រវាងក្រសួងការបរទេសរុស្ស៊ីនិងកម្ពុជា សម្រាប់ឆ្នាំ ២០១៥-២០១៧។ ថ្លែងក្នុងសន្និសីទកាសែតរួមនៃប្រមុខការទូតទាំងពីរ លោកឡាវ៉្រូវ បានឲ្យដឹងថាសន្ធិសញ្ញាស្តីអំពីការធ្វើបត្យាប័ន រវាងកម្ពុជានិងរុស្ស៊ី ត្រៀមជិតចប់សព្វគ្រប់ទៅហើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ