ព្រះមហាក្សត្រកម្ពុជា ប្រទានសិទ្ធិធ្វើនយោបាយឡើងវិញដល់មន្ដ្រីអតីតបក្សប្រឆាំងម្នាក់ទៀត
មន្ដ្រីអតីតបក្សប្រឆាំងម្នាក់ទៀតហើយ ដែលបានទទួលសិទ្ធិធ្វើនយោបាយឡើងវិញ តាមរយៈព្រះរាជក្រឹត្យរបស់ព្រះមហាក្សត្រ។ ព្រះមហាក្សត្រកម្ពុជា ព្រះបាទ នរោត្តម សីហមុនី នៅថ្ងៃសៅរ៍ ទី០២ មីនានេះ បានឡាយព្រះហស្តលេខាលើព្រះរាជក្រឹត្យ ផ្ដល់នីតិសម្បទាដល់លោក ស៊ីម សុវណ្ណនី ហៅ ស៊ីម វ៉ាន់នី ឲ្យធ្វើនយោបាយឡើងវិញ។ លោក ស៊ីម វ៉ាន់នី ជាសមាជិកគណៈកម្មាធិការនាយករបស់អតីតគណបក្សសង្គ្រោះជាតិ ត្រូវបានតុលាការកំពូលហាមឃាត់មិនឲ្យធ្វើនយោបាយរយៈពេល៥ឆ្នាំ តាមអំណាចសាលដីកាចុះថ្ងៃទី១៦វិច្ឆិកាឆ្នាំ២០១៧។ សូមជម្រាបជូនថា គិតត្រឹមពេលនេះ មានមន្ដ្រីអតីតគណបក្សប្រឆាំងចំនួន៣រូបហើយ ដែលទទួលបានសិទ្ធិធ្វើនយោបាយឡើងវិញ ក្នុងនោះរួមមាន លោក គង់ គាំ, លោក គង់ បូរ៉ា, និងចុងក្រោយនេះគឺលោក ស៊ីម វ៉ាន់នី៕
ចុះផ្សាយនៅថ្ងៃ៖