អាជ្ញាធរខេត្តព្រះសីហនុបន្តប្រតិបត្តិការកាយគំនរបាក់បែកទាំងយប់ដើម្បីសង្រ្គោះមនុស្សដែលជាប់ក្នុងនោះ
អាជ្ញាធរ ខេត្ត ព្រះ សីហនុ បញ្ចេញ ប្រតិបត្តិ ការ រហូត ដល់ យប់ នេះដោយមិន សម្រាក នោះ ទេ ដើម្បីកាយគំនរ បាក់បែកនៃ អគារ កម្ពស់៧ ជាន់ ដែល បាន រំលំបាក់ កាល ពី ម៉ោង ជិត៥ ទៀបភ្លឺថ្ងៃសៅរ៍នេះ។ នេះបើតាមការអះអាងរបស់លោក អ៊ី សុខឡេង អភិបាលក្រុងព្រះសីហនុ។
ចុះផ្សាយនៅថ្ងៃ៖
លោក អ៊ី សុខឡេង បានឲ្យដឹងថា រហូតមកទល់ម៉ោងជាង៥ល្ងាចនេះ ប្រតិបត្តិការកាយគំនរបាក់បែកនៃអគារសំណង់របស់ចិននោះ គឺទើបបានប្រមាណជាង៣០%ប៉ុណ្ណោះ ខណៈជនរងគ្រោះស្លាប់កើនឡើងដល់៧នាក់ និងរបួសយ៉ាងហោច២១នាក់។
ទាក់ទងនឹងការបាក់រំលំអាគារសំណង់កម្ពស់៧ជាន់ដែលអាជ្ញាធរអះអាងថាមិនមានច្បាប់អនុញ្ញាតនេះ សមត្ថកិច្ចបានឃាត់ខ្លួនជនជាតិចិន៣នាក់ និងជនជាតិខ្មែរម្នាក់ជាម្ចាស់ដីជួលឲ្យចិន។
តាមសេចក្តីប្រកាសព័ត៌មានរបស់សាលាខេត្តព្រះសីហនុ ជនជាតិ៣នាក់នោះរួមមានឈ្មោះ Chen Kun ជាម្ចាស់ការដ្ឋានសំណង់ ឈ្មោះ Deng Xing Gul ជាម្ចាស់ក្រុមហ៊ុនទទួលសាងសង់ និង ឈ្មោះ Gao Yu ជាអ្នកម៉ៅការបូកជញ្ជាំងអគារ ខណៈជនជាតិខ្មែរម្នាក់ ឈ្មោះ ញឹក ហ៊ុយ ដែលជួលដីឱ្យជនជាតិចិនសាងសង់អគារសម្រាប់ធ្វើសណ្ឋាគារនេះ ក៏ត្រូវនាំខ្លួនទៅសាកសួរដែរ។
ក្រោយការបាក់អគារនៅក្នុងខេត្តព្រះសីហនុនេះ ក្រសួងរៀបចំដែនដី នគរូបនីយកម្ម និង សំណង់អះអាងថា អគារនេះ សាងសង់ឡើងដោយមិនមានច្បាប់អនុញ្ញាតទេគឺខាងក្រសួងហាមឃាត់ពីរលើកហើយតែម្ចាស់ការដ្ឋានសាងសង់នេះមិនព្រមស្តាប់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ