លោក គីម រតនា៖«អង្គការការីតាសចំណាយថវិកាកន្លះលានដុល្លារជួយដោះស្រាយបញ្ហារាំងស្ងួត»
ចុះផ្សាយនៅថ្ងៃ៖
ស្តាប់ - ១០:៣៥
ក្រៅពីរដ្ឋាភិបាលកម្ពុជា ដែលបានជម្រុញសមាជិក និងមន្ត្រីរបស់ខ្លួនឲ្យផ្តោតការយកចិត្តទុកដាក់លើបញ្ហាផ្គត់ផ្គង់ទឹកដល់ប្រជាពលរដ្ឋដែលជួបប្រទះនឹងកង្វះខាតទឹក អង្គការការីតាសកម្ពុជាបានត្រៀមធ្វើសកម្មភាពផងដែរនៅសប្តាហ៍ក្រោយ លើសកម្មភាពជីកនិងស្តារ អណ្តូង ស្រះទឹក នៅតាមតំបន់មួយចំនួនដែលមានការប្រឈមនឹងគ្រោះរាំងស្ងួត។ លោក គីម រតនា នាយកប្រតិបត្តិអង្គការការីតាសកម្ពុជាឲ្យដឹងថា អង្គការគ្រឹះស្តសាសនាមួយនេះ គិតទាំងគម្រោងដែលមានស្រាប់និងគម្រោងដែលគ្រោងចាប់ផ្តើមនាសប្តាហ៍ក្រោយនឹងចំណាយប្រមាណជា៥០ម៉ឺនដុល្លារ ក្នុងការឆ្លើយតបនឹងគ្រោះរាំងស្ងួតក្នុងខេត្តចំនួន៦ ដោយផ្តល់ជាទឹកសា្អតដល់ប្រជាជនដែលខ្វះទឹក។
