លោក យឹម សុវណ្ណ៖ លោក សម រង្ស៊ី សុខចិត្តដើរចូលពន្ធនាគារ ឲ្យតែដោះលែងមន្ត្រីរបស់ខ្លួន
ចុះផ្សាយនៅថ្ងៃ៖
ស្តាប់ - ១១:២៨
ភ្ញៀវប្រចាំថ្ងៃរបស់វិទ្យុបារាំង RFI នៅថ្ងៃនេះ គឺលោក យឹម សុវណ្ណ អ្នកនាំពាក្យគណបក្សសង្គ្រោះជាតិ។ ឆ្លើយតបនឹងសំណួររបស់វិទ្យុបារាំងអន្តរជាតិនៅរាត្រីនេះ លោក យឹម សុវណ្ណ បានថ្លែងថា លោក សម រង្ស៊ី សុខចិត្តដើរចូលពន្ធនាគារ ឲ្យតែមានការដោះលែងមន្ត្រីរបស់ខ្លួនឲ្យមានសេរីភាពឡើងវិញ។ លោក យឹម សុវណ្ណ ដែលបាននាំយកដំណឹងនេះ ទៅប្រាប់ដល់សកម្មជនរបស់ខ្លួននៅក្នុងពន្ធនាគារព្រៃសរ កាលពីព្រឹកមិញនេះ។ជុំវិញដំណើរមាតុភូមិនិវត្តន៍របស់លោក សម រង្ស៊ី មកកាន់ប្រទេសកម្ពុជាវិញ ត្រូវបាន លោក យឹម សុវណ្ណ បញ្ជាក់ថា លោក សម រង្ស៊ី នឹងវិលមកកាន់ប្រទេសកម្ពុជាវិញ នៅមុនការបោះឆ្នោតជាតិនៅឆ្នាំ២០១៨ខាងមុខ បើទោះបីជា មាន ឬ គ្មានការសម្របសម្រួលនយោបាយក្តី។