ភាពរាំងស្ងួតធ្វើឲ្យប្រជាជននៅតំបន់មួយចំនួនក្នុងខេត្តកំពង់ធំប្រើប្រាស់ទឹក កករ
ចុះផ្សាយនៅថ្ងៃ៖
ស្តាប់ - ០៨:៥៣
ភាពរាំងស្ងួតនៅដើមរដូវវស្សាបានធ្វើឲ្យតំបន់មួយចំនួននៅក្នុងប្រទេសកម្ពុជាកំពុងជួបប្រទះនូវស្ថានភាពលំបាកក្នុងការប្រើប្រាស់ទឹក។ នៅស្រុកមួយចំនួនជាប់នឹងស្ទឹងស្ទោងក្នុងខេត្តកំពង់ធំ ត្រូវប្រជាពលរដ្ឋនិងអាជ្ញាធរដែនដីលើកឡើងថាបានជួបនូវកង្វះខាតទឹកប្រើប្រាស់។ខុសប្លែកពីទីក្រុងនឹងទីប្រជុំជនដែលមានទឹកស្អាតប្រើ ភូមិចំនួន៩នៅក្នុងស្រុកស្ទោងនៅតែបន្តប្រើប្រាស់ទឹកកករល្អក់ខ្វល់។ មុននឹងបានប្រើទឹកប្រជាជនត្រូវចំណាយពេលអស់ជាច្រើនក្នុងការទៅស្វែងរកទឹកនៅតាមថ្លុក និងចំណាយពេលបន្ថែមទៀតកូរជាមួយនឹងសាច់ជូ ដើម្បីឲ្យទឹករងថ្លា។ ស្ថានភាពបែបនេះត្រូវគេទំលាក់កំហុសទៅលើអាជ្ញាធរ ដែលមិនបានត្រៀមលក្ខណៈជាមុន ក្នុងការជួយប្រជាពលរដ្ឋ នៅពេលដែលមានគ្រោះមហន្តរាយធម្មជាតិណាមួយកើតមានជាយថាហេតុ។