លោកស៊ិន ចាន់សាយ៉ា៖ មហោស្រពជាតិភាពយន្តខ្នាតខ្លី ជាឱកាសឲ្យផលិតករខ្មែរវ័យក្មេងបញ្ចេញស្នាដៃ
ចុះផ្សាយនៅថ្ងៃ៖
ស្តាប់ - ១១:១១
ក្រសួងវប្បធម៌ និងវិចិត្រសិល្បៈកាលពីថ្ងៃទី២៩ កក្កដា ម្សិលមិញ បានដំណឹងស្តីពីការរៀបចំមហោស្រពជាតិភាពយន្តខ្នាតខ្លីកម្ពុជាលើកទី១ ឆ្នាំ២០១៦។ មហោស្រពភាពយន្តខ្នាតខ្លីនេះ នឹងចាប់ផ្តើមធ្វើពីថ្ងៃទី០៩ ដល់ថ្ងៃទី១៤ ខែមករា ឆ្នាំ២០១៧។ ចំណែកកាលបរិច្ឆេទទទួលភាពយន្តខ្នាតខ្លីពីអ្នកដែលមិនឆ្លងកាត់ថ្នាក់តែងនិពន្ធរឿង គឺចាប់ពីថ្ងៃទី១៥ ខែវិច្ឆិកា ឆ្នាំ២០១៦ ខណៈដែលកាលបរិច្ឆេទទទួលភាពយន្តខ្នាតខ្លីពីអ្នកដែលឆ្លងកាត់ថ្នាក់តែងនិពន្ធរឿង គឺនៅថ្ងៃទី៣០ ខែវិច្ឆិកា ឆ្នាំ២០១៦។ នេះគឺជាលើកទីមួយហើយដែលក្រសួងវប្បធម៌បង្កើតមហោស្រពជាតិភាពយន្តខ្នាតខ្លីនេះ ដើម្បីឲ្យមានការប្រកួតប្រជែងគ្នាលើការផលិតខ្សែភាពយន្ត។ លោកស៊ិន ចាន់សាយ៉ា ប្រធាននាយកដ្ឋានសិល្បៈភាពយន្ត និង ផ្សព្វផ្សាយវប្បធម៌នៃក្រសួងវប្បធម៌ដែលជាភ្ញៀវរបស់យើងនៅរាត្រីនេះ បានលើកឡើងថា មហោស្រពជាតិភាពយន្តខ្នាតខ្លីនេះ គឺជាការបើកឱកាសឲ្យផលិតករខ្មែរវ័យក្មេងបានបញ្ចេញស្នាដៃរបស់ខ្លួន។
