លោក ហុង សុហួរ៖ វត្តមានរបស់ក្រុមហ៊ុន ហ្គ្រេន ធ្វីន ជួយយឹតយោងរដ្ឋាករទឹកស្វយ័តក្រុងភ្នំពេញ និងបង្កើនល្បឿនផ្សារភាគហ៊ុននៅកម្ពុជា
ចុះផ្សាយនៅថ្ងៃ៖
ស្តាប់ - ១២:៣៤
ភ្ញៀវប្រចាំថ្ងៃ របស់វិទ្យុបារាំង RFI នៅថ្ងៃចន្ទនេះ គឺលោក ហុង សុហួរ អគ្គនាយក ក្រុមហ៊ុនផ្សារមូលបត្រកម្ពុជា។ នៅថ្ងៃ១៦មិថុនានេះ ក្រុមហ៊ុន ហ្គ្រេន ធ្វីន ( Grand Twins ) ដែលជាក្រុមហ៊ុនរោងចក្រកាត់ដេររបស់ចិនតៃវ៉ាន់ បានដំណើរការជួញដូរភាគហ៊ុន នៅកម្ពុជា។ ការចុះបញ្ជីចូលរួមក្នុងផ្សារភាគហ៊ុន របស់ក្រុមហ៊ុន ហ្គ្រេន ធ្វីន បានធ្វើឡើងរយៈពេលជាង ២ ឆ្នាំ បន្ទាប់ពីក្រុមហ៊ុនដំបូង គឺរដ្ឋាករទឹកស្វយ័តក្រុងភ្នំពេញ បានបើកដំណើរការជួញដូរភាគហ៊ុន កាលពីថ្ងៃទី១៨មេសា ឆ្នាំ២០១២។ តាមលោក ហុង សុហួរ វត្តមាននៃភាគហ៊ុន របស់ក្រុមហ៊ុន ហ្គ្រេន ធ្វីន នឹងជួយយឹតយោងភាគហ៊ុនរបស់រដ្ឋាករទឹកស្វយ័តក្រុងភ្នំពេញ ព្រមទាំងបង្កើនល្បឿនផ្សារភាគហ៊ុន នៅកម្ពុជា។