លោកសន ជ័យ៖ ក្រសួងអប់រំ បានកែលម្អនូវភាពអសកម្ម ក្នុងការផ្តល់សៀវភៅសិក្សាគោល និងប្រាក់ចំណាយសាធារណៈ PB
ចុះផ្សាយនៅថ្ងៃ៖
ស្តាប់ - ១១:២៣
ភ្ញៀវប្រចាំថ្ងៃរបស់វិទ្យុបារាំង នៅថ្ងៃអង្គារនេះ គឺលោកសន ជ័យ នាយកអង្គការ សម្ព័ន្ធគណនេយ្យភាពសង្គម អាស៊ីបូព៌ា និងប៉ាស៊ីហ្វិក ហៅកាត់ថា អានសា (ANSA)។ គម្រោងប្រភេទគណនេយ្យភាពសង្គម ដែលផ្តល់ជំនួយដោយអង្គការ USAID របស់អាមេរិក ប្រចាំប្រទេសឥណ្ឌូនេស៊ី រយៈពេល ២ ឆ្នាំកន្លះ ត្រូវបានបិទបញ្ចប់ ក្នុងសិក្ខាសាលាបូកសរុបគម្រោងនាថ្ងៃអង្គារ ទី១៦ធ្នូ។ គម្រោង ដែលអនុវត្តដោយអង្គការសង្គមស៊ីវិល ចំនួន ៤ នៅកម្ពុជា បានតាមដានលើការអប់រំថ្នាក់បឋម ការចែកចាយសៀវភៅសិក្សាគោល និងតាមដានលើការទម្លាក់ថវិកាពីក្រសួងអប់រំ ភីប៊ី ( PB ) ទៅតាមសាលារៀន។ ក្នុងបទសម្ភាសន៍ជាមួយលី ម៉េងហួរ នៅថ្ងៃនេះ លោកសន ជ័យ តំណាងឲ្យក្រុមការងាររៀបចំសិក្ខាសាលាបូកសរុបគម្រោង បានលើកឡើងថា រាល់អនុសាសន៍ និងរាល់មតិយោបល់ជាច្រើន ដែលសង្គមស៊ីវិលលើកឡើង ត្រូវបានក្រសួងអប់រំ យកទៅកែលម្អនូវភាពអសកម្ម ពិសេសលើការបញ្ជូនសៀវភៅសិក្សាគោល និងការផ្តល់ប្រាក់ PB ពីក្រសួងអប់រំ ទៅកាន់សាលារៀន។
