លោក ឌឹម សុវណ្ណារុំ ៖ ឈ្មោះអ្នកចូលរួមគាំទ្រគម្រោងសំណង របស់ សាលាក្តីខ្មែរក្រហម ចាប់ពីមួយដុល្លារឡើងទៅ ក៏ត្រូវបានចងក្រងជាមរតកប្រវត្តិសាស្រ្តដែរ
ចុះផ្សាយនៅថ្ងៃ៖
ស្តាប់ - ១២:៣៣
នៅព្រឹកថ្ងៃព្រហស្បតិ៍នេះ អង្គភាពគាំពារជនរងគ្រោះ នៃសាលាក្តីខ្មែរក្រហម បានរៀបចំកិច្ចប្រជុំមួយ ជាមួយម្ចាស់ជំនួយ និងអង្គការក្រៅរដ្ឋាភិបាល សំដៅស្វែងរកថវិកា ២លាន៥សែនដុល្លារ បន្ថែមទៀត ដើម្បីបំពេញ គម្រោងសំណង ក្នុងសំណុំរឿង ០០២ ដំណាក់កាលទី២ ដែលត្រូវការប្រមាណ ៥លានដុល្លារ។ លោក ឌឹម សុវណ្ណារុំ នាយកផ្នែកកិច្ចការសាធារណៈ នៃអង្គជំនុំជម្រះវិសាមញ្ញក្នុងតុលាការកម្ពុជា បានរំពឹងថា សហគមន៍អន្តរជាតិ ប្រទេសផ្តល់ជំនួយ អង្គការក្រៅរដ្ឋាភិបាល និងតតីយជន នឹងចូលរួមផ្តល់វិភាគទានចាប់ពីមួយដុល្លារឡើងទៅ ឲ្យបានមុនខែវិច្ឆិកា ដើម្បីឈានទៅសម្រេច គម្រោងសំណង ជូនដល់ជនរងគ្រោះ ក្នុងរបបខ្មែរក្រហម។ ផលប្រយោជន៍សំខាន់នៃការជួយដល់គម្រោងសំណងនេះ គឺ ឈ្មោះ របស់ តតីយជន នឹងត្រូវបានចងក្រង ដូច ដើមបណ្តឹងរដ្ឋប្បវេណី ទាំង ៣.៨៦៧នាក់ដែរ ហើយវាជាការចូលរួមគ្នាកសាងសមិទ្ធិផល របស់តុលាការខ្មែរក្រហម ដើម្បីជា មរតកសម្រាប់កូនចៅជំនាន់ក្រោយ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ