អ្នកកាន់សាសនាឥស្លាមនៅទូទាំងពិភពលោក រួមនឹងអ្នកនៅក្នុងប្រទេសកម្ពុជាផង កំពុងប្រារព្ធពិធីបុណ្យ ហាជ្ជី ឬ អ៊ីទិល អាត់ហា (Hajji or Eidil Adha)។ បុណ្យនេះគឺជាបុណ្យប្រចាំឆ្នាំដែលធំជាងគេបំផុតសម្រាប់អ្នកកាន់សាសនានេះ។ សម្រាប់អ្នកកាន់សាសនាឥស្លាម មួយចំនួនបានធ្វើដំណើរទៅបំពេញហាជ្ជីនៅក្នុងទីក្រុង មិកា និង ម៉ាទីន ប្រទេសអារ៉ាប៊ីសាអូឌីត។ ចំណែកអ្នកខ្លះ បានបរិច្ចាកថវិកាទិញសត្វគោ ក្របី ពពែ ចៀម ឬ សត្វអូដ សំឡេះយកសាច់ចែកជូនអ្នកជុំវិញ និងអ្នកក្របរិភោគ។ តើអ្វីទៅបុណ្យហាជ្ជី ឬ អ៊ីទិល អាត់ហា (Hajji or Eidil Adha)?
មើលវគ្គផ្សេងទៀត
-
លោកស្រី ឃួន វិច្ឆិកា៖ កម្ពុជាមិនទាន់ឈានដល់ការបិទសាលារៀនដោយសារតែការឡើងកម្តៅ
ប្រឈមនឹងអាកាសធាតុដែលកំពុងឡើងកម្តៅខ្លាំង មានប្រទេសអាស៊ីមួយចំនួនបានសម្រេចបិទសាលារៀន។ នៅកម្ពុជា ក្រសួងអប់រំតាមរយៈអ្នកនាំពាក្យ លោកស្រី ឃួន វិច្ឆិកា បានបញ្ជាក់ពីការពិចារណាលើវិធានការដូចគ្នានេះ តែថាស្ថានភាពនៅកម្ពុជាមិនទាន់ឈានដល់កម្រិតនៃការបិទសាលារៀននៅឡើយទេ។ តាម លោកស្រី ឃួន វិច្ឆិកា ក្រសួងអប់រំ បានដាក់ចេញនូវវិធានការចាំបាច់ដូចជាឲ្យអ្នកពាក់ព័ន្ធរាយការណ៍ជាប្រចាំដើម្បីដឹងពីស្ថានភាពសិស្សនៅតាមសាលារៀនក្នុងគ្រាដែលអាកាសធាតុកំពុងតែឡើងកម្តៅ។ អ្នកនាំពាក្យក្រសួងអប់រំរូបនេះ ដដែលបានបន្ថែមថា ក្នុងករណីដែលសាលារៀនមិនអាចទប់ទល់នឹងស្ថានភាពកម្តៅបាន គឺត្រូវរាយការណ៍ជាបន្ទាន់ទៅមន្ទីរអប់រំនៅតាម រាជធានី និងខេត្ត។29/04/202408:03 -
លោក ស៊ុន ចន្ធី៖ ការរំសាយបាតុកម្ម គឺដោយសារតែអាកាសធាតុក្តៅខ្លាំងពេក
គណបក្សកម្លាំងជាតិបានធ្វើបាតុកម្មតែមួយព្រឹកថ្ងៃទី២២ ខែមេសានេះ រួចក៏រំសាយទៅវិញ ខណៈតាមគម្រោងត្រូវធ្វើចំនួន៣ថ្ងៃជាប់ៗគ្នាចាប់ពីថ្ងៃទី២២ ដល់ថ្ងៃទី២៤ ខែមេសា។ ក្នុងបទសម្ភាសជាមួយវិទ្យុបារាំងអន្តរជាតិ RFI លោក ស៊ុន ចន្ធី បានអះអាងថា ការរំសាយបាតុកម្មគឺដោយសារតែអាកាសធាតុក្តៅខ្លាំងពេក។ ទោះជាយ៉ាងណា ប្រធានគណបក្សកម្លាំងជាតិរូបនេះ នៅតែរក្សាជំហរទាមទារឲ្យដោះលែងសមាជិកជាន់ខ្ពស់២រូប គឺ លោក អ៊ុំ វីរ:រដ្ឋ និងលោក មឺ សេងហ៊ និងចង់ឃើញរដ្ឋាភិបាលមានយន្តការសម្របសម្រួលវិវាទនយោបាយនៅក្រៅប្រព័ន្ធតុលាការ៕22/04/202408:17 -
លោក វិចទ័រ ហ្សូនា៖ កម្ពុជាមានលទ្ធភាពផ្គត់ផ្គង់អគ្គិសនីគ្រប់គ្រាន់នៅរដូវក្តៅនេះ
អ្នកជំនាញខាងថាមពល អះអាងថា នៅរដូវក្តៅនេះ កម្ពុជាមានលទ្ធភាពផ្គត់ផ្គង់អគ្គិសនីបានគ្រប់គ្រាន់ ខណៈតម្រូវការប្រើប្រាស់កើនឡើង៣០%។ ក្នុងបទសម្ភាសជាមួយវិទ្យុបារាំងអន្តរជាតិ RFI អនុរដ្ឋលេខាធិការ ក្រសួងរ៉ែ និងថាមពល លោក វិចទ័រ ហ្សូនា បញ្ជាក់ថា រោងចក្រផលិតអគ្គិសនីដោយប្រើប្រេងខ្មៅ នៅខេត្តកណ្តាលនឹងផលិតអគ្គិសនីដើម្បីបំពេញចន្លោះខ្វះខាត។ បើតាមអនុរដ្ឋលេខាធិការ ក្រសួងរ៉ែ និងថាមពល កម្ពុជាមានលទ្ធភាពផលិតអគ្គិសនីខ្លួនឯងបាន៧៥% ពោលគឺត្រូវការទិញពីប្រទេសជិតខាងតែ២៥%ប៉ុណ្ណោះ ខណៈកម្ពុជាក៏មានគម្រោងលក់អគ្គិសនីទៅឲ្យសិង្ហបុរីនៅពេលខាងមុខ។08/04/202409:07 -
លោក ង៉ោ ម៉េងជ្រួន៖អាជ្ញាធរធានាមិនឲ្យកកស្ទះ និងមិនឲ្យយកកម្រៃលើពលករត្រឡប់ពីថៃ
នៅថ្ងៃចន្ទ ទី១ មេសានេះ អាជ្ញាធរខេត្តបន្ទាយមានជ័យបានចាប់ផ្តើមត្រៀមលក្ខណៈទទួលពលករដែលវិលត្រឡប់ពីថៃដើម្បីចូលរួមបុណ្យចូលឆ្នាំខ្មែរនៅកម្ពុជា។ ក្នុងបទសម្ភាសជាមួយវិទ្យុបារាំងអន្តរជាតិ RFI លោក ង៉ោ ម៉េងជ្រួន អភិបាលរងខេត្តបន្ទាយមានជ័យ បានបញ្ជាក់ថា នៅថ្ងៃដំបូងនេះ មានពលករខ្ទង់២ពាន់នាក់បានឆ្លងកាត់ច្រកអន្តរជាតិប៉ោយប៉ែតដោយមិនមានការកកស្ទះនោះឡើយ។ បើតាមអភិបាលរងខេត្តរូបនេះ ទោះជាពលករសម្រុកមកច្រើនជាងនេះ នៅពេលខាងមុខ ក៏អាជ្ញាធរធានាមិនឲ្យមានការកកស្ទះ និងមិនឲ្យមានការយកកម្រៃក្រៅផ្លូវការជាដាច់ខាត៕01/04/202410:20 -
លោក កត្តា អ៊ន៖ មន្រ្តីជំនាញនឹងសើរើឡើងវិញ បើរកឃើញកម្មករខ្លះមានកិច្ចសន្យាមិនកំណត់
អ្នកនាំពាក្យក្រសួងការងារលោកកត្តា អ៊នបានអះអាងថា មន្ត្រីជំនាញនឹងសើរើឡើងវិញ បើរកឃើញកម្មករខ្លះនៅរោងចក្រ អ.ជី ហ៊្វូតវែមានប្រើប្រាស់កិច្ចសន្យាមិនកំណត់ថេរវេលា។ ការបំភ្លឺនេះធ្វើឡើងក្រោយពីសហជីពបានថ្លែងថា មានតែកម្មករពាក់កណ្តាលប៉ុណ្ណោះក្នុងចំណោមកម្មករជាង២ពាន់នាក់ដែលយល់ព្រមទទួលយកដំណោះស្រាយរបស់ក្រសួងការងារលើអត្ថប្រយោជន៍ចំនួន ៣ចំណុច។ ក្នុងបទសម្ភាសជាមួយវិទ្យុបារាំងអន្តរជាតិ RFI លោក កត្តា អ៊នបានថ្លែងថា រោងចក្រ អ.ជី ហ៊្វូតវែ ដែលត្រូវបានភ្លើងឆេះទើបតែដូរឈ្មោះថ្មីពីរោងចក្រចាស់ឈ្មោះ រី ជែន ។ តាមលោកកត្តា អ៊ន បើកម្មករណាដែលធ្លាប់ធ្វើការនៅរោងចក្រចាស់ និងមិនទាន់ទូទាត់អត្ថប្រយោជន៍អស់ គឺអាចសើរើឡើងវិញ៕25/03/202408:15