លោក គឹម សុខ ធ្វើកូដកម្មមិនហូបអាហារដើម្បីទាមទារដោះលែងលោក កឹម សុខា
ជាថ្មីម្ដងទៀត លោក គឹម សុខ អ្នកវិភាគនយោបាយ បានសសេរសំបុត្រចេញពីពន្ធនាគារ ទីដែលលោកកំពុងជាប់ឃុំ ក្នុងគោលបំណងទាមទារឲ្យដោះលែងលោក កឹម សុខា ប្រធានគណបក្សសង្គ្រោះជាតិ។ ចំពោះលោក កឹម សុខ ជនក្បត់ជាតិ ពុំមែនលោក កឹម សុខា ទេ។
ចុះផ្សាយនៅថ្ងៃ៖
នៅក្នុងលិខិតចុះថ្ងៃទី៦ខែតុលា លោក គឹម សុខ បានអះអាងថា លោកនឹងធ្វើកូដកម្មមិនហូបបាយ និងសាច់ ឬម្ហូបអាហារមានសាច់ នោះទេ ។ ប៉ុន្តែលោកហូបទឹកបបរសជាមួយអំបិល និងបន្លែស្រុះទឹកក្ដៅជំនួសវិញ។ បើតាមលោក គឹម សុខ កូដកម្មនេះឈប់ទៅបាន លុះណាមានការដោះលែងលោក កឹម សុខា មានសេរីភាព និងមានឱកាសប្រកួតប្រជែងផ្នែកនយោបាយឡើងវិញ។
លោក គឹម សុខ មើលឃើញថា ទាំងសកម្មភាពនយោបាយ និងពាក្យសម្ដីគ្មានចំណុចណាមួយបញ្ជាក់ថា លោក កឹម សុខា ក្បត់ជាតិនោះទេ។ ប៉ុន្តែផ្ទុយទៅវិញលោក កឹម សុខា ជាអ្នកនយោបាយដែលតែងតែរួមចំណែកនាំមកនូវសេរីភាពនិងប្រជាធិបតេយ្យ។ នេះបើតាមលោក គឹម សុខ។ បន្ថែមលើនេះទៀត លោក គឹម សុខ បានគូសបញ្ជាក់ថា ប្រសិនបើតុលាការចង់ឲ្យរូបលោកបង្ហាញពីភាពស្អាតស្អំរបស់លោក កឹម សុខា គឺលោករីករាយនឹងសហការជុំវិញការបំភ្លឺនេះ។
ចំណែកលោក សុខ ឥសាន អ្នកនាំពាក្យគណបក្សប្រជាជនថា សកម្មភាពលោក គឹម សុខ មិនមែនជាបរិបទដែលគួរឲ្យចាប់អារម្មណ៍ទេ ។ ហើយក៏គ្មានប្រសិទ្ធភាពមកលើតុលាការដែរពីព្រោះថា លោក កឹម សុខា បានប្រព្រឹត្តកំហុសទាក់ទងទោសក្បត់ជាតិ។ នេះបើតាមលោក សុខ ឥសាន។
សូមជម្រាបជូនថា នេះជាលើកទី២ដែលលោក គឹម សុខ សរសេរលិខិតចេញពីពន្ធនាគារ។ លើកទី១លោកជម្រុញឲ្យពលរដ្ឋខ្មែរអញ្ជើញទៅបោះឆ្នោតជ្រើសរើសក្រុមប្រឹក្សាឃុំសង្កាត់ឲ្យបានគ្រប់ៗគ្នា។
សូមរម្លឹកថា លោក គឹម សុខ ជាអ្នកវិភាគនយោបាយនិងសង្គម ត្រូវបានតុលាការក្រុងភ្នំពេញសម្រេចឃុំខ្លួនកាលពី ថ្ងៃទី១៧ ខែកុម្ភៈ ឆ្នាំ២០១៧ ក្រោមបទចោទញុះញង់ឲ្យប្រព្រឹត្តបទឧក្រិដ្ឋជាអាថិ៍ និងបរិហារកេរ្តិ៍ជាសាធារណៈ។ ការឃុំខ្លួនធ្វើឡើងក្រោយលោកចោទបក្សកាន់អំណាចថា ជាអ្នកនៅពីក្រោយឃាតកម្មលោកបណ្ឌិត កែម ឡី។ក្រោយមកទៀត លោក គឹម សុខ បានរងបណ្តឹងបន្ថែមទៀតពីបទ «ចោទរដ្ឋាភិបាលបច្ចុប្បន្នបានបង្កើតឲ្យមានប្រព័ន្ធមួយ ដែលមានការសម្លាប់មនុស្សហើយ រកមុខឃាតករមិនឃើញ»៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ