លោក ស ខេង៖ ការវិលត្រលប់របស់លោក សម រង្ស៊ី លើកនេះខុសគ្នាពីកាលឆ្នាំ២០១៣
បន្ទាប់ពីបញ្ចប់កិច្ចប្រជុំស្តីពីការផ្សព្វផ្សាយ ផែនការយុទ្ធសាស្ដ្រជាតិ(២០១៩-២០២៣) ស្ដីពីការប្រយុទ្ធប្រឆាំងអំពើជួញដូរមនុស្ស នៅក្រសួងមហាផ្ទៃ លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃបានថ្លែងប្រាប់អ្នកសារព័ត៌មានថា ការចាប់ខ្លួនបណ្តាញគាំទ្រសកម្មភាពវិលត្រលប់របស់លោក សម រង្ស៊ី គឺមិនមែនជាការធ្វើប៉ាតណាប៉ាតណីនោះទេ។ តាមលោក ស ខេង គឺសមត្ថកិច្ចរបស់លោក ចាត់វិធានការតែមុខសញ្ញាណា ដែលបង្កការគ្រោះថ្នាក់ និងបង្កឲ្យមានចលាចលដល់ប្រទេសជាតិ។ ទាក់ទងទៅនឹងការរារាំង ដល់ការធ្វើមាតុភូមិនិវត្តន៍របស់លោក សម រង្ស៊ី និងក្រុមអ្នកគាំទ្រលោក ដែលជាសមាជិកអតីតគណបក្សសង្គ្រោះជាតិ លោក ស ខេង បានឆ្លើយតបទៅអ្នកសារព័ត៌មានថា ការវិលត្រលប់របស់លោក សម រង្ស៊ី និងអ្នកគាំទ្រ គឺខុសស្រឡះពីការវិលចូលស្រុកវិញរបស់លោក សម រង្ស៊ី កាលពីឆ្នាំ២០១៣។
ចុះផ្សាយនៅថ្ងៃ៖
សូមស្តាប់ប្រសាសន៍លោក ស ខេង រៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ