លោកវ៉ាត់ចំរើន៖កីឡាបានទាក់ទាញមហាជនច្រើននៅក្នុងពិធីបុណ្យសមុទ្រនៅកោះកុង
ចុះផ្សាយនៅថ្ងៃ៖
ស្តាប់ - ១០:១៣
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅយប់នេះ គឺលោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា។ ឆ្លើយតបនឹងសំណួររបស់វិទ្យុបារាំងអន្តរជាតិ RFI លោក វ៉ាត់ ចំរើន បានលើកឡើងថា វិស័យកីឡាបានរួមចំណែកយ៉ាងសំខាន់ក្នុងការទាក់ទាញភ្ញៀវទេសចរណ៍ជាតិនិងអន្តរជាតិ អោយមកចូលរួមកំសាន្តនៅក្នុងពិធីបុណ្យសមុទ្រ ចាប់តាំងពីថ្ងៃទី១និងថ្ងៃទី២ ដែលត្រូវនឹងថ្ងៃទី១២, ១៣ធ្នូនេះ។ នៅថ្ងៃទី១៣ធ្នូនេះ ក៏ជាថ្ងៃបើកជាផ្លូវការនៃពិធីបុណ្យសមុទ្រនៅឯខេត្តកោះកុងរយៈពេល៣ថ្ងៃផងដែរ។ ពិធីបើកយប់នេះ ធ្វើឡើង ក្រោមវត្តមានរបស់លោកឧបនាយករដ្ឋមន្ត្រី សុខ អាន រដ្ឋមន្ត្រីទីស្តីការគណៈរដ្ឋមន្ត្រី រួមទាំងការប្រគុំតន្ត្រីយក្ស និងបាញ់កាំជ្រួចពាក់កណ្តាលយប់ផងដែរ។