លោកតឹក វណ្ណារ៉ា៖ បច្ចុប្បន្នមានទំនាស់ដីធ្លី១៤ករណីដែលរ៉ាំរ៉ៃយូរជាងគេនិងមិនទាន់អាចដោះស្រាយបាន
ចុះផ្សាយនៅថ្ងៃ៖
ស្តាប់ - ១១:០១
នៅព្រឹកថ្ងៃសុក្រនេះ វេទិកានៃអង្គការមិនមែនរដ្ឋាភិបាលស្តីពីកម្ពុជា បានធ្វើសន្និសីទសារព័ត៌មានមួយស្តីពីករណីទំនាស់ដីធ្លីដ៏រ៉ាំរ៉ៃបំផុតនៅទូទាំងប្រទេសកម្ពុជា និងបង្ហាញរបាយការណ៍ស៊ើបអង្កេតនៃករណីនីមួយៗផង។ វេទិកានៃអង្គការមិនមែនរដ្ឋាភិបាលស្តីពីកម្ពុជា បានរកឃើញថា នៅក្នុងចំណោមទំនាស់ដីធ្លីដែលកើតមាននៅកម្ពុជា មានជម្លោះដីធ្លីចំនួន១៤ករណី ដែលមានលក្ខណៈរ៉ាំរ៉ៃយូរជាងគេ និងមិនទាន់អាចដោះស្រាយបាននៅឡើយមកទល់នឹងពេលបច្ចុប្បន្ននេះ។ លោកតឹក វណ្ណារ៉ា នាយកប្រតិបត្តិវេទិកានៃអង្គការមិនមែនរដ្ឋាភិបាល ស្តីពីកម្ពុជាដែលជាភ្ញៀវប្រចាំថ្ងៃរបស់យើងនៅរាត្រីនេះ បានបញ្ជាក់ថា មូលហេតុដែលមិនទាន់អាចដោះស្រាយបាន គឺដោយសារតែដីធ្លីទាំងនោះ មិនទាន់មានការចុះបញ្ជីច្បាស់លាស់ និងដាក់បង្គោលបានត្រឹមត្រូវ។