ប្រធានាធិបតីអេហ្ស៊ីប ប្រកាសរៀបចំការបោះឆ្នោតប្រជាមតិស្តីពីគម្រោងរដ្ឋធម្មនុញ្ញថ្មី នៅថ្ងៃ១៥ ធ្នូ ២០១២
កាលពី យប់ថ្ងៃសៅរ៍ម្សិលមិញ ប្រធានាធិបតីអេហ្ស៊ីប លោក Morsi បានអំពាវនាវ ដល់ប្រជាជនអេហ្ស៊ីប អោយចូលរួម ការបោះឆ្នោតប្រជាមតិមួយ នៅលើគម្រោងរដ្ឋធម្មនុញ្ញថ្មី នៅថ្ងៃ១៥ធ្នូខាងមុខនេះ។ នៅសប្តាហ៍នេះ សភាអេហ្ស៊ីប បានអនុម័តយ៉ាងប្រញាប់ប្រញាល់ នូវ ពង្រាងច្បាប់ចុងក្រោយមួយ ដែលបង្កអោយមានទំនាស់ បែងចែកសភា ជាពីរបក្ស។ ចំណែកពួកអ៊ីស្លាមនិយមជ្រុលអេហ្ស៊ីប ជាច្រើនពាន់នាក់ បានធ្វើបាតុកម្មកាលពីម្សិលមិញនេះដែរដើម្បីគាំទ្រ លោក លោក Morsi។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:១៦
“ថ្ងៃនេះ ខ្ញុំសូមប្រកាសនូវ ការសំរេចចិត្តរបស់ខ្ញុំ សុំអោយប្រជាជនអេហ្ស៊ីប ចូលរួមបោះឆ្នោតប្រជាមតិ ស្តីពី គំរោងច្បាប់រដ្ឋធម្មនុញ្ញថ្មីមួយ នៅថ្ងៃ១៥ធ្នូ ២០១២ ខាងមុខនេះ។ ខ្ញុំសូមបួងសួង ព្រះជាម្ចាស់ និងសង្ឃឹមថា ថ្ងៃនោះ នឹងក្លាយជា ថ្ងៃនៃប្រជាធិបតេយ្យ ប្រកបដោយស្ថិរភាព”។ នេះជា ការប្រកាស កាលពីម្សិលមិញ របស់ លោក ប្រធានាធិបតី Morsi នៅមុខ សមាជិកសភាធម្មនុញ្ញអេហ្ស៊ីប ជាច្រើនរូប។
ប្រធានាធិបតីអេហ្ស៊ីប បានសំរេចជោគជ័យ ក្នុងការទាក់ទាញ ពួកគេអោយដើរតាម មាគ៌ារបស់លោក។ សមាសភាព សមាជិកនៃសភាធម្មនុញ្ញ និងព្រឹទ្ឋសភា អេហ្ស៊ីប ភាគច្រើនជា ពួកអ៊ីស្លាមនិយមជ្រុល។
ប្រធានគណកម្មការ ធម្មនុញ្ញ ទើបតែបានប្រគល់ នូវពង្រាងច្បាប់ចុងក្រោយមួយ ដល់លោក Morsi។ ក្នុងសប្តាហ៍នេះ ការអនុម័តយ៉ាងប្រញាប់ប្រញាល់នូវ ពង្រាងច្បាប់ចុងក្រោយនេះ បង្កអោយមានទំនាស់បែងចែកសភា ជាពីរបក្ស។ ថ្ងែនេះ តុលាការធម្មនុញ្ញ ត្រូវប្រកាសសុពលភាព របស់សភាធម្មនុញ្ញ ។
ការប្រកាសបោះឆ្នោតប្រជាមតិស្តីពីរដ្ឋធម្មនុញ្ញ ធ្វើឡើងដោយ ប្រធានាធិបតីអេហ្ស៊ីប ធ្វើអោយសភាអេហ្ស៊ីប ត្រូវបានរំរលាយចោល ដោយស្វ័យប្រវត្តិ។
លោក Morsi ក៏បានអំពាវនាវសុំ អោយ ក្រុមចៅក្រម ចូលរួមធ្វើជា អ្នកសង្កេតការបោះឆ្នោត ដែលជាកាតព្វកិច្ច ចែងដោយច្បាប់។ ក្រុមចៅក្រមអេហ្ស៊ីប កំពុងធ្វើកូដកម្ម ក្នុង គំរាមធ្វើ ពហិការមិនចូលរួម បោះឆ្នោតទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ