រុស្ស៊ីពង្រឹងខ្សែការពារនៅព្រំដែនខាងលិច ប្រឈមនឹងវត្តមានយោធាអូតង់
នៅថ្ងៃព្រហស្បតិ៍ ទី២ មិថុនានេះ ប្រព័ន្ធផ្សព្វផ្សាយរុស្ស៊ីឈ្មោះ informNapalm បានបង្ហើបឲ្យដឹងថា អង្គភាពទ័ពរុស្ស៊ីបានយាត្រាចេញពីបន្ទាយនៃតំបន់ភ្នំ Oural បែកខាងកើតដែនដីរុស្ស៊ី ហើយកាលពីចុងខែឧសភាកន្លងទៅ បានទៅដល់ជាបណ្តើរៗទៅហើយ ទៅឈរជើងបន្ថែមទៀតនៅឯខេត្ត Bryansk ក្នុងឋានៈជាខ្សែការពារទី២ នៅខាងលិចព្រំដែនខ្លួន។
ចុះផ្សាយនៅថ្ងៃ៖
ស្តាប់ - ០៦:៣១
នៅថ្ងៃព្រហស្បតិ៍ ទី២ មិថុនានេះ ប្រព័ន្ធផ្សព្វផ្សាយរុស្ស៊ីឈ្មោះ informNapalm បានបង្ហើបឲ្យដឹងថា អង្គភាពទ័ពរុស្ស៊ីបានយាត្រាចេញពីបន្ទាយនៃតំបន់ភ្នំ Oural បែកខាងកើតដែនដីរុស្ស៊ី ហើយកាលពីចុងខែឧសភាកន្លងទៅ បានទៅដល់ជាបណ្តើរៗទៅហើយ ទៅឈរជើងបន្ថែមទៀតនៅឯខេត្ត Bryansk ក្នុងឋានៈជាខ្សែការពារទី២ នៅខាងលិចព្រំដែនខ្លួន នៅជាប់នឹងព្រំដែន Belarus ជា ប្រទេសសម្ព័ន្ធមិត្តរុស្ស៊ី នៅកៀកជាប់ផ្ទាល់នឹងប៉ូឡូញ និងបណ្តាប្រទេសមាត់សមុទ្របាល់ទិក គឺលីទុយអានី ឡេតូនី និង អេស្តូនី ដែល សុទ្ធតែជាប្រទេសសមាជិកអូតង់ ហើយជាទីដែលតាំងពីថ្ងៃ៣០ ឧសភាមក បន្តប្រព្រឹត្តទៅលំហាត់សឹក មុនដំបូងក្រោមឈ្មោះថា Saber Knight រួចបន្ទាប់មក គឺសមយុទ្ធ Saber Strike ក្រោមលេសថា បង្ការទល់នឹង ”មហិច្ឆិតាឈ្លានពាន” ជាយថាហេតុពីខាងរុស្ស៊ី។
ប៉ុន្តែ សម្រាប់មូស្គូ ការដែលអូតង់សម្រេចដាក់ទ័ពចំនួន ៤ កងវរសេនាតូច ឲ្យប្រចាំការ ជាអចិន្ត្រៃយ៍នៅតាម ប្រទេសទាំង៤ ទន្ទឹមនឹងសមយុទ្ធយោធា ជាប់រដឹកនៅទីនោះ គឺជា គ្រោះថ្នាក់មែនពិតដល់សន្តិសុខរុស្ស៊ីផ្ទាល់។ សឲ្យឃើញពីភាពប្តេជ្ញាចិត្តរបស់អូតង់ គឺមានសេចក្តីថ្លែងការណ៍ចេញដោយសន្និបាតសភាអូតង់ ក្រោយពីរួមប្រជុំនៅ រដ្ឋធានី អាល់បានី អស់៣ថ្ងៃ ដោយមានការចូលរួមនៃតំណាងរាស្ត្រ ២៥០នាក់ នៃគ្រប់តែ២៨ប្រទេសអូតង់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ