លោក Francis Collomp ចំណាប់ខ្មំាងជនជាតិបារំាងនៅប្រទេសនីហ្សេរីយ៉ាទទួលបានសេរីភាពវិញហើយ
នៅថ្ងៃអាទិត្យ ទី១៧ វិច្ឆិកា វិមានប្រធានាធិបតីបារំាង Elysée បានប្រកាសឲ្យដឹងថាពីការទទួលបានសេរីភាពឡើងវិញរបស់ចំណាប់ខ្មំាងជនជាតិបារំាងលោក Francis Collomp។ លោក Francis Collomp ដែលត្រូវបានគេចាប់ធ្វើជាចំណាប់ខ្មំាងក្នុងប្រទេសនីហ្សេរីយ៉ាកាលពីថ្ងៃទី១៩ ធ្នូ ឆ្នំា ២០១២។ លោកប្រធានាធិបតីបារំាង François Hollande បានសម្តែងការអបអរសាទរ និងអរគុណចំពោះការប្រឹងប្រែងរបស់រដ្ឋាភិបាលប្រទេសនីហ្សេរីយ៉ា។ ទន្ទឹមគ្នា លោក Hollande ក៏បានសុំឲ្យលោករដ្ឋមន្រ្តីការទូតបារំាង គឺលោក Laurent Fabius ធ្វើដំណើរទៅកាន់ប្រទេសនីហ្សេរីយ៉ា។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤២
បើយោងតាមប្រភពព័ត៌មានបារំាងស្និទ្ធិនឹងសំណុំរឿងនេះឲ្យដឹងថា ចំណាប់ខ្មំាងបារំាងលោក Francis Collomp ប្រហែលជាបានលួចរត់គេចខ្លួននាឱកាសនៃការបាញ់តគ្នារវាងកម្លំាងយោធារដ្ឋាភិបាលនីហ្សេរីយ៉ា និងក្រុមអ៊ីស្លាមនិយមជ្រុលដែលកំពុងឃុំឃំាងលោក Collomp។ សូមជម្រាបជូនថា មានអាយុ ៦៤ឆ្នំា លោក Francis Collomp គឺជាវិស្វករបម្រើការឲ្យរោងចក្រ Vergnet ខាងចែកចាយទឹកស្អាត និងម៉ាស៊ីនកង្ហារផលិតថាមពល។ លោក Francis Collomp ត្រូវបានក្រុមអ៊ីស្លាមនិយមជ្រុលចាប់ជាចំណាប់ថ្នូរកាលពីថ្ងៃទី១៩ ធ្នូ ឆ្នំា ២០១២ ក្នុងពេលដែលលោកកំពុងធ្វើការងារក្នុងប្រទេសនីហ្សេរីយ៉ា។
ការចាប់លោក Francis Collomp កាលណោះត្រូវបានប្រកាសទទួលស្គាល់ដោយក្រុម Ansaru។ ក្រុម Ansaru គឺជាសាខាយោធារបស់ចលនាអ៊ីស្លាមនិយមជ្រុល Boko Haram និងដែលកំពុងតស៊ូប្រយុទ្ធប្រឆំាងនឹងរដ្ឋាភិបាលនីហ្សេរីយ៉ាបច្ចុប្បន្ន។ ការចាប់ជនជាតិបារំាងធ្វើជាចំណាប់ខ្មំាងត្រូវបានក្រុម Ansaru លើកយកហេតុផលថា ជាការសងសឹកចំពោះរដ្ឋាភិបាល និងប្រជាពលរដ្ឋបារំាងដែលបានលូកដៃចូលវាយប្រហារសាសនាអ៊ីស្លាម និងអ្នកកាន់សាសនាអ៊ីស្លាម។ ក្រុម Ansaru បានលើកឡើងពីអន្តរាគមន៍យោធាបារំាងនៅក្នុងប្រទេសម៉ាលី និងច្បាប់ថ្មីដែលរដ្ឋសភាបារំាងបានអនុម័តក្នុងឆ្នំា ២០១១ ដើម្បីប្រឆំាងនឹងការពាក់ស្បៃរំមុខនៅទីធ្លាសាធារណៈរបស់អ្នកកាន់សាសនាអ៊ីស្លាមរស់នៅក្នុងប្រទេសបារំាង។
កាលពីដំណាច់ខែកញ្ញាកន្លងទៅ ក្រុមចាប់ជម្រិតបានផ្សព្វផ្សាយខ្សែអាត់វីដេអូមួយដែលបង្ហាញរូបចំណាប់ខ្មំាងបារំាងលោក Francis Collomp។ នៅក្នុងខ្សែអាត់វីដេអូនោះ ក្រុមចាប់ជម្រិតបានឲ្យលោក Francis Collomp អានសារជាភាសាអង់គ្លេសដែលអំពាវនាវឲ្យរដ្ឋាភិបាលបារំាង និងនីហ្សេរីយ៉ាបើកកិច្ចចរចាជាមួយក្រុម Ansaru ដើម្បីដោះលែងលោក Francis Collomp៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ