រុស្ស៊ីនិងតួគគីសហការគ្នា“កាន់តែសកម្ម”នៅខេត្តអ៊ីដឡិប ប្រទេសស៊ីរី
ប្រធានាធិបតីរុស្ស៊ី វ៉្លាឌីមៀរ ពូទីន និងសមភាគីតួកគី លោក រ៉េសេព អ៊ែរដូហ្កាន់ ពេលសន្ទនាគ្នាតាមទូរសព្ទថ្ងៃសុក្រ ២៣ សីហា បានយល់ព្រម “បង្កើនការខំប្រឹងប្រែងរួមគ្នា” នៅខេត្ត អ៊ីដឡិប ។ កន្លែងនេះជាទីដែលកងទ័ពស៊ីរី គាំទ្រដោយម៉ូស្គូ កំពុងរុលទៅមុខ តទល់ ជាមួយ ពួកជីហាដ និង ពួកឧទ្ទាម។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:២៥
កិច្ចសន្ទនានេះ ប្រព្រឹត្តទៅនៅចំពេលដែលកងទ័ពស៊ីរីរុលទៅមុខ ទាល់តែថ្ងៃសុក្រនោះ ឡោមព័ទ្ធ ប៉ុស្តិសង្កេតការណ៍របស់កងទ័ពតួកគី ដែលស្ថិតនៅជិត ខេត្តអ៊ីដឡិប អាចបង្កើតជាភាពតានតឹង នៅនឹងកន្លែងផ្ទាល់ រវាង ម្ខាងគឺក្រុងម៉ូស្គូ ដែលគាំទ្ររបបនៅស៊ីរី និង ម្ខាងទៀតគឺ ក្រុងអង់ការ៉ា ដែលជាបង្អែក ពួកឧទ្ទាម។
សេចក្តីជូនដំណឹងវិមានក្រេមឡាំង លើកឡើងជាអាទិ៍ ៖ ប្រមុខរដ្ឋទាំងពីរ ឯកភាព សកម្មការខំប្រឹងប្រែង រួមគ្នា ឆ្ពោះទៅ លុបបំបាត់ ការគំរាមភេរវនិយម”។
ចំណែកខុទ្ទកាល័យប្រធានាធិបតីតួកគី ជូនជាដំណឹងថា នាកិច្ចសន្ទនាតាមទូរសព្ទជាមួយលោក ពូទីន លោក អ៊ែរដូហ្កាន់ បានថ្លែងថា “ ការរំលោភបំពានដោយរបបនៅស៊ីរី លើបទឈប់បាញ់ ក្នុងខេត្តអ៊ីដឡិប និងការវាយលុកពីខាងរបបនេះ បានបើកផ្លូវ សម្រាប់វិបត្តិមនុស្សធម៌ធ្ងន់ធ្ងរ”។ លោក អ៊ែរដូហ្កាន់ បន្ថែមថា “ ការវាយលុកនេះ កំពុងបំផ្លាញ ការខំប្រឹងប្រែង ចែងដោយសេចក្តីសម្រេចដើម្បីដោះស្រាយជម្លោះ នៅស៊ីរី ហើយក្លាយជា គ្រោះថ្នាក់តែម្តងដល់ សន្តិសុខជាតិតួកគី។
ដំណើរវិវឌ្ឍន៍នៅស៊ីរី នឹងស្ថិតក្នុងរង្វង់របៀបវារៈនៃ ជំនួបកំពូលក្នុងក្រុង អង់ការ៉ា ថ្ងៃ១៦ កញ្ញា រវាង ប្រធានាធិបតី រុស្ស៊ី អ៊ីរ៉ង់ តួកគី - បីប្រទេស ដែលដើរតួនាំមុខ ក្នុងជម្លោះដែលហែកហួរ ប្រទេសស៊ីរី តាំង ពីឆ្នាំ ២០១១ មក។
ក្រោយពីទម្លាក់គ្រាប់បែកសឹង គ្មានលោះថ្ងៃណា អស់ជិត ៤ ខែ មក ទៅលើខេត្ត អ៊ីដឡិប និង តំបន់ជិតខាង ក្នុងខេត្តឯទៀត ដែលគ្រប់គ្រងដោយពួកជីហាដ របបលោក បាស្ហា អាសាដ គាំទ្រដោយ សម្ព័ន្ធ មិត្តរុស្ស៊ីមិនអាចសាបសូន្យ បានឈានដល់ការរុលទៅមុខ គឺនៅលើដី នាថ្ងៃ ៨ សីហា។
ថ្ងៃព្រហស្បតិ៍និងសុក្រ កងកម្លាំងនៅខាងរបបលោក អាសាដ បានដណ្តើមយកបាន ទីប្រជុំជនជាច្រើន នៅចន្លោះខេត្ត អ៊ីដឡិប និង ហាម៉ា ដែលក្នុងនោះ មានទីប្រជុំជន Morek ដែលមានប៉ុស្តិសង្កេតការណ៍ របស់ កងទ័ពតួកគី ប្រចាំការ។ នេះបើតាម អង្គការរស៊ីរីខាងសិទ្ធិមនុស្ស OSDH ។ កងកម្លាំងនៃរបបស៊ីរី បានឡោមព័ទ្ធប៉ុស្តិសង្កេតការណ៍ តួកគី នៅ Morek ប៉ែកខាងជើងខេត្ត ហាម៉ា។
នៅជាប់នឹងព្រំដែនខេត្តអ៊ីដគិបស៊ីរី ប្រទេសតួកគី ដែលគាំទ្រ ពពួកក្រុមឧទ្ទាមស៊ីរី និងដែលធ្វើ អន្តរាគមន៍យោធា ចូលក្នុងជម្លោះ ដោយច្បាំងទល់នឹងពួកគួដស៊ីរី និងពួកជីហាដ អស់ជិត ២ ឆ្នាំមកហើយ ពង្រាយទ័ពខ្លួន នៅតាមប៉ុស្តិសង្កេតការណ៍ចំនួន ១២ កន្លែង ក្នុងខេត្តអ៊ីដឡិប និង ហាម៉ា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ