អង្គការសិទ្ធមនុស្ស ចោទអ៊ីស្រាអែលនិងអាជ្ញាធរប៉ាឡេស្ទីន ពីបទ«ឧក្រិដ្ឋកម្មសង្គ្រាម»
ជម្លោះតំបន់កាហ្សា អង្គការឃ្លាំមើលសិទ្ធមនុស្ស Human Rights Watch (HRW) ថ្ងៃ២៧កក្កដា បានចេញរបាយការណ៍ និងលើកឡើងចោទប្រកាន់ ប្រទេសអ៊ីស្រាអែល និងអាជ្ញាធរប៉ាឡេស្ទីន ថាបានប្រព្រឹត្តបទល្មើសឧក្រិដ្ឋកម្មសង្គ្រាម នៅក្នុងជម្លោះបាញ់បោះបង្ហូរឈាមគ្នា នៅខែឧសភា កន្លងទៅនេះ។
ចុះផ្សាយនៅថ្ងៃ៖
១១ថ្ងៃ គឺចាប់ពីថ្ងៃទី១០ ដល់ទី២១ ឧសភា ២០២១ កងទ័ពអ៊ីស្រាអែល និងរដ្ឋអំណាចក្រុមហាម៉ាស់ របស់ប៉ាឡេស្ទីន បានប៉ះទង្គិចគ្នាដោយអាវុធយ៉ាងហិង្សា នៅក្នុងតំបន់កាហ្សា ធ្វើឲ្យមានស្លាប់និងរបួសមនុស្ស ពិសេសស្ត្រីនិងក្មេងៗជាច្រើននាក់។ បើតាមអង្គការ Human Rights Watch ដដែលនេះ គឺយ៉ាងហោចមានស្លាប់មនុស្ស ជាង២៧០នាក់។ ខាងប៉ាឡេស្ទីន ស្លាប់២៦០នាក់ ហើយអ៊ីស្រាអែល បាត់បង់ជីវិត ១៣នាក់។
សំណុំរឿងតំបន់កាហ្សានេះ គឺកើតមានការប៉ះទង្គិចបង្ហូរឈាមគ្នា ចំនួន៤ដងមកហើយ បើរាប់ពីឆ្នាំ២០០៨មក។ អង្គការឃ្លាំមើលសិទ្ធមនុស្ស បានស្នើសុំអំពាវនាវឲ្យតុលាការព្រហ្មទណ្ឌអន្តរជាតិ បើកការអង្កេតពីបទ«ឧក្រិដ្ឋកម្មសង្គ្រាម»។ តុលាការព្រហ្មទណ្ឌអន្តរជាតិ នាពេលកន្លងទៅ បានបើកការស៊ើបអង្កេត ខ្លះៗមកហើយ ចំពោះបទល្មើសដែលអ៊ីស្រាអែលបានប្រព្រឹត្តលើទឹកដីប៉ាឡេស្ទីន។ តុលាការនេះ ត្រូវភាគីអ៊ីស្រាអែលច្រាលចោលដែនសមត្ថកិច្ច តែភាគខាង ប៉ាឡេស្ទីន បានសាទរ និងជំរុញឲ្យមានការស៊ើបអង្កេត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ