កិច្ចប្រជុំកំពូលសហភាពអាហ្រ្វិក៖លោកអង់តូនីញ៉ូ ហ្គូទែរស៍ស្នើឲ្យបង្កើតកម្លាំងសន្តិភាពអាហ្រ្វិក
កិច្ចប្រជុំកំពូលលើកទី៣៦របស់សហភាពអាហ្រ្វិករយៈពេល ២ថ្ងៃរៀបចំក្នុងទីក្រុងអាឌីសអាបេបាប្រទេសអេត្យូពីបិទបញ្ចប់ក្នុងថ្ងៃអាទិត្យ ទី១៩ កុម្ភៈ។ អគ្គលេខាធិការអង្គការសហប្រជាជាតិលោកអង់តូនីញ៉ូ ហ្គូទែរស៍បានថ្លែងក្នុងថ្ងៃសៅរ៍ ទី១៨ កុម្ភៈថា មានបញ្ហាប្រឈមជាច្រើនដែលទ្វីបអាហ្រ្វិកកំពុងជួបប្រទះ និងថា អាហ្រ្វិកត្រូវការសកម្មភាពដើម្បីសន្តិភាព។ នៅក្នុងន័យនេះ លោកអង់តូនីញ៉ូ ហ្គូទែរស៍បានស្នើច្រកចេញមួយចំនួន ពិសេសការបង្កើតឲ្យមានកម្លាំងសន្តិភាពអាហ្រ្វិកមួយដែលមានការគាំទ្រជួយជ្រោមជ្រែងដោយអង្គការសហប្រជាជាតិ។ តើមានតួអង្គណាខ្លះនឹងចូលរួមផ្តល់វិភាគទានឲ្យកម្លាំងមួយនេះ និងថា តើប្រទេសអាហ្រ្វិកត្រូវចូលរួមក្នុងកម្រិតកូតាប៉ុន្មានដែរ?។
ចុះផ្សាយនៅថ្ងៃ៖
ស្តាប់ - ០១:១៤
« ខ្ញុំត្រូវនិយាយថា បទពិសោធន៍របស់កម្លាំង G5 Sahel បានបង្ហាញថា ការផ្តល់មូលនិធិដោយស្ម័គ្រចិត្តនៃប្រតិបត្តិការសន្តិភាពមិនដំណើរការទេ។ គឺនៅក្នុងហេតុផលនេះហើយដែលជានិច្ចកាលខ្ញុំតែងចេញមុខការពារថា នៅក្នុងក្របខណ្ឌអាហ្រ្វិកដែលស្ថានការណ៍បានទាមទារ និងតម្រូវឲ្យដាក់ប្រតិបត្តិការដើម្បីសន្តិភាព និងការប្រយុទ្ធប្រឆាំងនឹងភេរវនិយមនោះ ប្រតិបត្តិការទាំងនេះត្រូវតែមានអាណត្តិពីក្រុមប្រឹក្សាសន្តិសុខអង្គការសហប្រជាជាតិក្រោមមាត្រាទី៧ និងការរួមចំណែកដែលអាចមើលឃើញតាមរយៈយន្តការនៃការរួមចំណែកជាកាតព្វកិច្ចដែលមាននៅក្នុងប្រព័ន្ធរបស់អង្គការសហប្រជាជាតិ។
តាមខ្ញុំដឹង ខ្ញុំមិនដែលឮប្រទេសអឺរ៉ុបណាមួយចេញមុខប្រឆាំងនឹងជំហរនេះទេ។ វាច្បាស់ណាស់ថា ការរួមចំណែកដោយស្ម័គ្រចិត្តបានបង្ហាញឱ្យឃើញថា ការរួមចំណែករបៀបនេះមិនមានលទ្ធភាពធានាពីប្រសិទ្ធភាពនៃកម្លាំងនេះទេ »៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ