លោកម៉ាក្រុង ជាប្រធានាធិបតីបារាំងដំបូងបង្អស់ ដែលទៅទស្សនកិច្ចនៅក្រូអាស៊ី ក្រោយប្រទេសនេះបានឯករាជ្យនៅឆ្នាំ១៩៩១
ថ្ងៃពុធទី២៤វិច្ឆិកា លោកម៉ាក្រុង ប្រធានាធិបតីបារាំង បានទៅធ្វើទស្សនកិច្ចផ្លូវរដ្ឋ នៅប្រទេសក្រូអាស៊ី។ ជាទស្សនកិច្ចលើកទី១សម្រាប់ប្រធានាធិបតីបារាំង នៅក្រោយពេលដែលប្រទេសក្រូអាស៊ី បានប្រកាសឯករាជ្យនៅឆ្នាំ ១៩៩១។ វាក៏ជាឱកាសផងដែរ ដែលក្រូអាស៊ី មានបំណងពង្រឹងការចូលរួមរបស់ខ្លួន ក្នុងនាមជាសមាជិកម្នាក់ នៃសហភាពអឺរ៉ុប។ ចាប់ពីឆ្នាំ២០២២ទៅ បារាំង នឹងត្រូវជាប្រធានផ្លាស់វេន នៃសហភាពអឺរ៉ុប។
ចុះផ្សាយនៅថ្ងៃ៖
បើទោះបីជាទស្សនកិច្ចនេះ មានរយៈពេលត្រឹមតែមួយថ្ងៃ តែវាមានតម្លៃជានិម្មិតរូបខ្លាំងណាស់ សម្រាប់ បារាំង និងក្រូអាស៊ី។ ចាប់តាំងពីក្រូអាស៊ី បានប្រកាសឯករាជ្យនៅឆ្នាំ ១៩៩១មក មិនដែលមានប្រមុខរដ្ឋបារាំងណា ទៅធ្វើទស្សនកិច្ចផ្លូវរដ្ឋបែបនេះទេ។
នៅទីក្រុងZagreb លោកម៉ាក្រុង នឹងជួបជាមយយលោក នាយករដ្ឋមន្ត្រីក្រូអាស៊ី Andrej Plenkovic ដើម្បីនិយាយគ្នាអំពីការផ្តល់សន្ទុះ ទំនាក់ទំនងនយោបាយ និងពាណិជ្ជកម្ម រវាងបារាំង និងក្រូអាស៊ី។ ទំនាក់ទំនង ដែលកាន់តែស្អិតរមួត បន្ទាប់ពីក្រូអាស៊ី បានប្រកាស ពីគំរោងចុះកិច្ចសន្យាទិញយន្តហោះចម្បាំង Rafale របស់បារាំង ចំនួន១២គ្រឿង ក្នុងតម្លៃទឹកប្រាក់ ប្រមាណ១ពាន់លានអឺរ៉ូ។
លោកនាយករដ្ឋមន្ត្រីក្រូអាស៊ី ក៏អាចនឹងលើកឡើង ស្នើសុំទៅប្រធានាធិបតីបារាំង ឲ្យជួយគាំទ្រខ្លួន ដើម្បីអាចចូលក្នុងក្រុមប្រទេសចាយប្រាក់អឺរ៉ូ ក្នុងពេលដ៏ឆាប់ខាងមុខ។ នៅដើមឆ្នាំ២០២២នេះ បារាំង នឹងក្លាយជាប្រធានវិលជុំរបស់សហភាពអឺរ៉ុប ហើយដែលអន្តរាគមន៍របស់បារាំង ពិតជាអាចមានទំងន់ជួយក្រូអាស៊ី។
យោងតាម ប្រភពពីវិមានប្រធានាធិបតីបារាំង លោកម៉ាក្រុង អាចប្រហែលជាផ្តល់សញ្ញាវិជ្ជមាន ដល់ការចង់បានរបស់ក្រូអាស៊ី ដែលចង់ចាយប្រាក់អឺរ៉ូ បន្ទាប់ពីបានចំនុចមួយចំនួនធំ ដែលក្រូអាស៊ីបានខឹតខំបំពេញ និងសម្រេចបាន។ ប្រភពដដែលអះអាងថា បារាំងក៏អាចគាំទ្រ ឲ្យក្រូអាស៊ី ចូលជាសមាជិកនៃតំបន់ឆិនហ្កិនផងដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ