អ៊ុយក្រែនព្យាយាមតភ្ជាប់បណ្តាញចរន្តអគ្គិសនី ខណៈប្រជាជនច្រើនលាននាក់ រស់នៅក្នុងសីតុណ្ហភាពត្រជាក់
បញ្ហាសីតុណ្ហភាពត្រជាក់ខ្លាំង គ្មានចរន្តអគ្គិសនី និងគ្មានទឹកប្រើប្រាស់ កំពុងតែធ្វើបាបប្រជាជនអ៊ុយក្រែនជាច្រើនលាននាក់ ក្នុងអំឡុងពេលនេះ។ តំបន់ទីក្រុងកៀវ គឺជាតំបន់ដែលរងនូវការលំបាកខ្លាំងបំផុត។ អស់ជាច្រើនសប្តាហ៍មកហើយ ដែលកងទ័ពរុស្ស៊ី បានសំរុកបាញ់ប្លោងគ្រាប់មីស៊ីល កំទេច បំផ្លាញហេដ្ឋារចនាសម្ព័ន្ធ ផលិតចរន្តអគ្គិសនីរបស់អ៊ុយក្រែន។
ចុះផ្សាយនៅថ្ងៃ៖
ឆ្លើយនៅក្នុងបទសម្ភាសន៍ ឲ្យកាសែត Financial Times ចុះផ្សាយនៅថ្ងៃសុក្រ ទី២៥វិច្ឆិកា លោកវ្លូឌីមៀរ ហ្សេឡេនស្គី បានលើកឡើងថា រុស្ស៊ីកំពុងតែធ្វើសង្គ្រាមសម្លាប់ប្រជាជនអ៊ុយក្រែន ឲ្យស្លាប់នឹងសីតុណ្ហភាពត្រជាក់ គ្មានម៉ាស៊ីនកំដៅ គ្មានចរន្តអគ្គិសនីប្រើ និងគ្មានទឹកបរិភោគ។ តែយ៉ាងណា លោកជឿជាក់ ចំពោះការតាំងចិត្តអត់ទ្រាំ តស៊ូលំបាករបស់ប្រជាជនអ៊ុយក្រែន។ លោកអះអាងទៀតថា រដ្ឋាភិបាល អាជ្ញាធរអ៊ុយក្រែន កំពុងតែព្យាយាមទាំងថ្ងៃទាំងយប់ ដើម្បីដាក់ឲ្យដំណើរការស្ថានីយ៍ផលិតចរន្តអគ្គិសនី តភ្ជាប់ខែបណ្តាញឡើងវិញ មិនថាចរន្តភ្លើង និងចរន្តទឹកស្អាត បើទោះបីជាត្រូវរងគ្រាប់មីស៊ីលរុស្ស៊ី ជាប្រចាំថ្ងៃក៏ដោយ។
សូមបញ្ជាក់ថា កាលពីថ្ងៃពុធកន្លងទៅ រុស្ស៊ីបានបាញ់មីស៊ីលបន្ថែម ចំនួន៧០គ្រាប់មកលើអ៊ុយក្រែន ដែលក្នុងនោះ ៥១គ្រាប់ត្រូវបានស្ទាក់កម្ទេចបាន។ ថ្លែងសារតាមវីដេអូខុសហ្វឺរិនស៍ កាលពីថ្ងៃពុធ ចំពោះមុខក្រុមប្រឹក្សាសន្តិសុខនៃអង្កការសហប្រជាជាតិ លោកហ្សេឡេនស្គី បានថ្កោលទោស ការវាយប្រហាររុស្ស៊ី ដោយសំដៅ ផ្តាច់ភ្លើង ផ្តាច់ទឹក ឲ្យប្រជាជនអ៊ុយក្រែនលំបាកវេទនា ស្លាប់ដោយសីតុណ្ហភាពត្រជាក់នេះ វាគឺជាឧក្រិដ្ឋកម្មសង្គ្រាម យ៉ាងប្រាកដ។
លោក Nicolas Falez អ្នកកាសែតវិទ្យុបារាំងអន្តរជាតិ RFI បានជួបសម្ភាសន៍តាមទូរស័ព្ទ ជាមួយប្រជាជនអ៊ុយក្រែនម្នាក់ រស់នៅក្នុងទីក្រុងកៀវ ឈ្មោះ Ivan ដើម្បីសាកសួរអំពីស្ថានភាពរស់នៅប្រចាំថ្ងៃ៖
សំដីសក្ខីកម្មរបស់ Ivan អ្នករស់នៅក្រុងកៀវ ស្តីពីស្ថានភពរស់នៅដ៏លំបាក
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ