AIEA ប្រុងប្រយ័ត្នពីការសាយភាយនុយក្លេអ៊ែរនៅក្នុងគម្រោងសាងសង់នាវាមុជទឹកដើរដោយនុយក្លេអ៊ែរ
នៅថ្ងៃអង្គារ ទី១៤ មីនា ទីភ្នាក់ងារថាមពលបរមាណូអន្តរជាតិហៅកាត់ជាភាសាបារាំង AIEA បានសម្តែងការប្រុងប្រយ័ត្ននឹងកិច្ចព្រមព្រៀងស្តីពីការសាងសង់នាវាមុជទឹកដើរដោយថាមពលនុយក្លេអ៊ែររវាងអូស្រា្តលី អង់គ្លេស និងអាមេរិកដែលជាសមាជិកនៅក្នុងសម្ព័ន្ធ AUKUS។ អ្វីដែល AIEA បារម្ភ គឺហានិភ័យនៃការសាយភាយនុយក្លេអ៊ែរ។ AIEA បានរម្លឹកពីសន្ធិសញ្ញាមិនសាយភាយនុយក្លេអ៊ែរដែលចែងថា គ្រប់រដ្ឋដែលមានបំពាក់អាវុធនុយក្លេអ៊ែរត្រូវជូនដំណឹងដល់ AIEA នៅពេលផ្ទេរសារធាតុនុយក្លេអ៊ែរទៅឲ្យរដ្ឋផ្សេងដែលគ្មាននុយក្លេអ៊ែរ ដូចយ៉ាងអូស្រា្តលី។ ចំណែកអូស្រ្តាលីត្រូវទទួលបានការយល់ព្រមពី AIEA ជាមុនទើបអាចប្រើសារធាតុនុយក្លេអ៊ែរនោះបាន។ ក្តីបារម្ភរឿងសាយភាយនុយក្លេអ៊ែរក៏មានពីវិមានប្រធានាធិបតីរុស្ស៊ីដែរ។ ទន្ទឹមគ្នានេះ ប្រមុខការទូតរុស្ស៊ីលោកស៊ែរហ្គៃ ឡាវ្រូវបានថ្លែងវាយប្រហារចាស់ដៃលើកិច្ចព្រមព្រៀងស្តីពីការសាងសង់នាវាមុជទឹកដើរដោយថាមពលនុយក្លេអ៊ែររវាងអូស្រា្តលី អង់គ្លេស និងអាមេរិក។ លោកឡាវរ៉ូហ្វយល់ថា អ្វីដែលសម្ព័ន្ធ AUKUS បានធ្វើនេះជាជម្រើសយកផ្លូវខុស និងប្រកបដោយគ្រោះថ្នាក់។
ចុះផ្សាយនៅថ្ងៃ៖
ស្តាប់ - ០០:៥៦
« ជាមួយនឹងការបង្កើតឡើងនូវរចនាសម្ព័ន្ធជាប្លុកដូចជា AUKUS នេះ ពិភព Anglo-Saxon កំពុងរំកិលទៅមុខនូវហេដ្ឋារចនាសម្ព័ន្ធយោធារបស់អង្គការណាតូនៅអាស៊ី។ ដូច្នេះអ្វីដែលពិភព Anglo-Saxon កំពុងធ្វើពេលនេះ គឺជាការត្រៀមប្រឈមមុខដោយប្រថុយប្រថានច្រើនឆ្នាំនៅអាស៊ី។
ខ្ញុំមិនជឿសោះឡើយថា ប្រទេសធំៗនៅអាស៊ីនឹងត្រូវបានអំពាវនាវឱ្យគោរពតាមអាមេរិកដូចដែលសហភាពអឺរ៉ុបបានធ្វើនោះទេ។ ជាអកុសល សហភាពអឺរ៉ុបបានធ្វើ និងបានអនុវត្តតាមផែនការរបស់ក្រុងវ៉ាស៊ីនតោន និងរបស់ក្រុមប្រទេស Anglo-Saxon យើងផ្សេងទៀតដោយមិនប្រកែកអ្វីទាំងអស់ »៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ