សង្គ្រាមអ៊ុយក្រែន ៖ អឺរ៉ុបរៀបចំកញ្ចប់ទណ្ឌកម្មថ្មីមួយទៀតដាក់ប្រឆាំងនឹងរុស្ស៊ី
គណៈកម្មការអឺរ៉ុប បានលើកគម្រោងវិធានការថ្មីមួយទៀតប្រឆាំងនឹងរុស្ស៊ី។ វិធានការថ្មីនេះមានទិសដៅកំរិតនិងរារាំង ការពង្វាងទណ្ឌកម្មរបស់សហភាពអឺរ៉ុប ដែលចង់ហាមឃាត់កានាំចេញរបស់រុស្ស៊ី។ ប្រទេសជាសមាជិកសហភាពអឺរ៉ុបទាំង២៧ ត្រូវផ្តើមសិក្សាលើសំណើទណ្ឌកម្មថ្មីនេះ ចាប់ពីថ្ងៃពុធទៅ ដើម្បីរកឱ្យឃើញការព្រមព្រៀងគ្នាជាឯកច្ឆ័ន្ទ និងដើម្បីអាចអនុម័តបាន នាឱកាសជំនួបកំពូលអឺរ៉ុបថ្ងៃទី ៣០មិថុនា២០២៣។
ចុះផ្សាយនៅថ្ងៃ៖
គម្រោងវិធានការថ្មី ទី១១ ប្រឆាំងនឹងរុស្ស៊ី ផ្តោតទាំងស្រុងទៅលើការប្រយុទ្ធប្រឆាំងនឹងការពង្វាងទណ្ឌកម្មពាណិជ្ជកម្មរបស់អឺរ៉ុប ពីសំណាក់ប្រទេសទីបី និងមានលក្ខណៈបច្ចេកទេសខ្លាំងណាស់។ កម្មវត្ថុចម្បងគឺ បញ្ចៀសមិនឱ្យវត្ថុជាប់បម្រាមនាំចេញទៅរុស្ស៊ី ធ្លាក់ដល់ដៃក្រុមយោធារុស្ស៊ីបាន។ ហេតុដូច្នេះហើយបានជានៅក្នុងសំណើទណ្ឌកម្ម គេឃើញគណៈកម្មការអឺរ៉ុប ដៅដាក់ទណ្ឌកម្មលើក្រុមហ៊ុនចំនួន ៥៤១ ក្នុងនោះ៥២៦ជាក្រុមហ៊ុនរុស្ស និងជាលើកទីមួយ មាន៨ជាក្រុមហ៊ុនរបស់ចិននិងហុងកុង។៊ី ក្រុមហ៊ុនអ៊ីរ៉ង់មួយ ក្រុមហ៊ុនរបស់អេមីរ៉ាត់អារ៉ាប់រួមពីរ ក្រុមហ៊ុនតាំងនៅអ៊ូសបេគីស្ថានពីរ នៅអារមេនីមួយ និងស៊ីរីមួយ ក៏មានជាប់ក្នុងបញ្ជីអឺរ៉ុបដែរ។
ដោយចង់ផ្តល់មធ្យោបាយប្រយុទ្ធប្រឆាំងនឹងការពង្វាងទណ្ឌកម្មផង និងចង់ផ្តល់វិធីរារាំងកុំឱ្យក្រុមហ៊ុនបរទេស ឬប្រទេសទីបី ជួយមូស្គូ ក្នុងការនាំចេញបន្តវត្ថុដែលអាចបម្រើឱ្យឧស្សាហកម្មយោធារុស្ស៊ី សហភាពអឺរ៉ុប បានធ្វើបញ្ជីរាយឈ្មោះវត្ថុចំនួន១៥៥ទំព័រ មានជាអាទិ៍ ទូរទឹកកក ម៉ាស៊ីនព្រីន ម៉ាស៊ីនគិតលេខអេឡិចត្រូនិក និងផលិតផលជាច្រើនផ្សេងទៀត។ បើតាមប្រភពអ្នកការទូតអឺរ៉ុបម្នាក់ សហភាពអឺរ៉ុបសម្គាល់ឃើញមានកំណើននាំចូលគ្រឿងបន្លាស់អេឡិចត្រូនិកយ៉ាងច្រើន នៅតួកគី កាហ្សាក់ស្ថាន ចិន និងអេមីរ៉ាតអារ៉ាប់រួម សម្រាប់នាំចេញបន្តទៅរុស្ស៊ី។
ប៉ុន្តែគ្មានទេការហាមឃាត់មិនឱ្យនាំចូលពេជ្រពីរុស្ស៊ី ស្របតាមការទាមទាររបស់សមាជិកសហភាពអឺរ៉ុបជាច្រើន។ វិធានការនេះត្រូវលើកទៅពិភាក្សាគ្នានៅក្នុងជំនួបប្រជុំក្រុមប្រទេសហ្សេ៧ នៅថ្ងៃទី ១៩-២១ឧសភា នៅក្រុងហ៊ីរ៉ូស្ហ៊ីម៉ា។ ទាល់តែមានការព្រមព្រៀងគ្នាសិន ទើបគេយកមកបញ្ចូលក្នុងកញ្ចប់វិធានការថ្មីរបស់អឺរ៉ុបនេះ តាមក្រោយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ