ការបើកមហាសន្និបាតលើកទី៦នៃគណបក្សមានតែមួយគត់
គុយបា នៅថ្ងៃសៅរ៍១៦មេសានេះ បើកមហាសន្និបាតលើកទី៦នៃគណបក្សកុម្មុយនិស្ត។ បញ្ហាធំនៃអង្គមហាសន្និបាត គឺបញ្ហាសេដ្ឋកិច្ចប្រទេសជាតិចាប់តាំងពីលក្ខន្តិកៈនៃសហគ្រាសឯកជន តូចតាចរហូតដល់ចំនួនបុគ្គលិកច្រើនលើសលប់នៃសហគ្រាសរដ្ឋ គណបក្សកុម្មុយនិស្តគុយបាត្រូវតែខំប្រឹងធ្វើកំណែទម្រង់។ គណបក្សមានតែមួយគត់នេះ នៅមានអនាគតល្អនៅឡើយនៅពីមុខខ្លួន។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍ របស់Michèle Gayral ពីទីក្រុងLa Havane ប្រែសម្រួលដោយ វីនស្តុន រតនា
១៤ឆ្នាំហើយដែលគុយបាពុំបានប្រារព្ធគណបក្សមានតែមួយគត់។ទោះជាយ៉ាងណាក្តី មហាសន្និបាតលើកទី៦នៃគណបក្សកុម្មុយនិស្តបើកក្នុងកាលៈទេសៈដ៏ល្អប្រពៃនៃខួបបដិវត្តន៍៥០ឆ្នាំនៃព្រឹត្តិការណ៍២ គឺ៥០ឆ្នាំនៃការបាក់ទ័ពអាមេរិកាំង នៅឆកសមុទ្រCochonsនិង៥០ឆ្នាំនៃការប្រកាសរបបសង្គមនិយម ដោយលោកFidel Castro នៅលើកោះគុយបា។
១០០ឆ្នាំនៃ” អគ្គមគ្គុទ្ទេសក៍” ត្រូវគេឃើញជាក់ស្តែងជាងពេលណាៗទាំងអស់នៅផ្លូវត្រឡែងកែងនៃទីក្រុងឡា ហាវ៉ានដែលទំនងជារស់នៅ ដោយទន្ទឹងរង់ចាំការពុះកញ្ជ្រោលនៃសេចក្តីក្លៀវក្លាប្រមើលទុកនៅទីលានបដិវត្តន៍និងផ្លូវធំៗនៃរដ្ឋធានី។
គឺជាភាពស្ងប់ស្ងាត់មុនព្យុះសង្ឃរា ពីព្រោះព្យុហយាត្រានៃកងទ័ពនិងការប្រមូលផ្តុំមនុស្សរាប់លាននាក់ដែលរបបមានការសម្ងាត់ ប្រើជាការផ្តួចផ្តើមលើកទឹកចិត្តការងារជាអសាធារណៈនៃប្រតិភូ១០០០នាក់បញ្ជូនមកដោយគ្រប់ផ្នែកនៃគណបក្សកុម្មុយនិស្តគុយបា។
កំណែនក្នុងឱកាសខួប៥០ឆ្នាំនេះទាក់ទាញអារម្មណ៍ខ្លាំងអំពីអតីតកាល ប៉ុន្តែពុំគ្រាន់តែប៉ុណ្ណោះទេ ពីព្រោះអនាគតកាលក៏មានចែងក្នុងកម្មវិធីដែរ តំណាងជាបឋមដោយយុវជនដ៏ច្រើនអនេក នៅក្នុងការប្រមូលផ្តុំនៅតាមផ្លូវនិងបន្ទាប់មក ដោយរបៀបវារៈនៃអង្គមហាសន្និបាត។ គឺឱ្យសច្ចាប័នទៅលើកំណែទម្រង់សេដ្ឋកិច្ចផ្តួចផ្តើមដោយលោកRaul Castroឬរហូតដល់ទៅផ្លាស់វេនបន្តពីបណ្តាអ្នកដឹកនាំជាប្រវត្តិសាស្ត្រហត់នឿយទាំងនេះផង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ