សេដ្ឋកិច្ចបិទបញ្ចប់រដូវរង្វាន់ណូបែលឆ្នាំ២០១០ប្រកបដោយការប្រជែងគ្នាយ៉ាងខ្លាំង
នៅថ្ងៃចន្ទទី ១១ តុលា នេះ រង្វាន់ណូបែលផ្នែកសេដ្ឋកិច្ច ឆ្នាំ ២០១០ ទើបបានប្រកាសផ្តល់ឲ្យ ជនជាតិអាមេរិកាំងពីរនាក់ គឺលោក Peter DIAMOND និងលោក Dale MORTENSEN ព្រមទាំងអ្នកស្រាវជ្រាវសញ្ជាតិអង់គ្លេស ដើមកំណើតស៊ីប្រិ៍ គឺ លោក Christopher Pissarides សំរាប់ការងាររបស់អ្នកប្រាជ្ញទាំងបីនាក់នេះ ស្តីពី របៀបដែល ភាពឥតការធ្វើ -ការបំពេញ ការងារ និង ប្រាក់ខែ - អាចត្រូវទទួលផលប៉ះពាល់ដោយនយោបាយសេដ្ឋកិច្ច។រដូវរង្វាន់ណូបែលឆ្នាំ២០១០ ត្រូវបង្ហើយ នៅថ្ងៃចន្ទ១១តុលានេះ ដោយរង្វាន់ផ្នែកសេដ្ឋកិច្ចដែលតាមធម្មតាជាវិស័យផ្តាច់មុខរបស់ជនជាតិអាមេរិកាំងដែលប្រហែលអាចនឹងអនុញ្ញាតឱ្យស.រ.អា.លួងចិត្តខ្លួនឯង ដោយហេតុមកទល់ពេលនេះ បានទទួលរង្វាន់ណូបែលចំនួនតិចណាស់នៅឆ្នាំ២០១០នេះ។
ចុះផ្សាយនៅថ្ងៃ៖
សេចក្តីរាយការណ៍របស់ វីនស្តុន រតនា
ប៉ុន្តែនៅឆ្នាំ២០១០នេះ មានការប្រជែងគ្នាយ៉ាងខ្លាំង ដោយហេតុមានអ្នកប្រាថ្នាចង់បានរង្វាន់ណូបែលផ្នែកសេដ្ឋកិច្ចមានចំនួនច្រើន។តាមផ្លូវការ មានឈ្មោះថា “ រង្វាន់ធនាគារស៊ុយអែដខាងវិទ្យាសាស្ត្រសេដ្ឋកិច្ច ជាការគោរពចំពោះវិញ្ញាណក្ខន្ធលោកAlfred Nobel “ រង្វាន់ណូបែលផ្នែកសេដ្ឋកិច្ចជារង្វាន់តែមួយគត់គ្មានគ្រោងទុកទេ នៅក្នុងពាក្យបណ្តាំរបស់លោកAlfred Nobelសញ្ជាតិស៊ុយអែដជាអ្នកស្រឡាញ់មនុស្សជាតិ។
ត្រូវបានប្រកាសផ្តល់ឱ្យចាប់ពីឆ្នាំ១៩៦៩និងផ្តល់ហិរញ្ញវត្ថុដោយធនាគារកណ្តាលស៊ុយអែដ រង្វាន់ផ្នែកសេដ្ឋកិច្ចនេះដំណើរការទៅដូចជារង្វាន់ដទៃទៀតដែរ ប្រកបដោយគណៈកម្មាធិការមួយ និងការផ្តល់ប្រាក់រង្វាន់ចំនួន១០លានកួរ៉ោន(couronnes) ស្មើនឹង១លាន១សែនអឺរ៉ូ។
ជនជាតិអាមេរិកាំងដែលចាប់តាំងពីដើមរដូវឆ្នាំ២០១០នេះមក បានទទួលតែរង្វាន់ណូបែលមួយគត់ផ្នែកគីមីគឺថាពុំដែលបានទទួលរង្វាន់ណូបែលចំនួនតិចតួចម៉្លេះទេ ចាប់តាំងពីឆ្នាំ ១៩៩១ មក ជាថ្មីម្តងទៀត អាចមានភ័ព្វច្រើននឹងទទួលរង្វាន់ Nobel ផ្នែកសេដ្ឋកិច្ចនៅឆ្នាំ ២០១០នេះ-ស្របតាមយោបល់របស់ក្រុមអ្នកជំនាញការ។ គឺជនជាតិ អាមេរិកាំង Richard Thaler និង Robert Shiller ជាអ្នកទ្រឹស្តីខាងការប្រព្រឹត្តជាញឹកញយផ្ទុយនឹងវិចារណញ្ញាណ នៅទីផ្សារហិរញ្ញវត្ថុ ក៏ព្រមទាំងជនរួមជាតិឈ្មោះ Martin Weitzman និង William Nordhaus ជាអ្នកឯកទេសខាងផលវិបាកសេដ្ឋកិច្ចបណ្តាលមកពីអាកាសធាតុឡើងក្តៅ។
គេត្រូវអាយែរថយក្រោយជាង១០ឆ្នាំ គឺនៅឆ្នាំ១៩៩៩ សំរាប់រកឃើញជនជាតិកាណាដាឈ្មោះ Robert Mundell ជាអ្នកទទួលរង្វាន់ Nobel ផ្នែកសេដ្ឋកិច្ចក្រៅពីជនជាតិអាមេរិកាំង។ ក្រៅពីហ្នឹង មានបេក្ខជនសញ្ជាតិដទៃទៀត ដូចយ៉ាងជនជាតិបារាំង Jean Tirole(ស្តីពី ទ្រឹស្តី contrats) ជនជាតិអូទ្រីស Ernst Fehr ជាអ្នកឯកទេសខាងសេដ្ឋកិច្ចស្តីពីការប្រព្រឹត្តឬ ក៏ជនជាតិអ៊ីតាលី Alberto Alesina ហើយនឹងដៃគូជប៉ុន-អង់គ្លេស Nobuhiro Koyutaki-John Moore ជាដើមក៏ប្រាថ្នា ចង់បានរង្វាន់ Nobel ផ្នែកសន្តិភាពឆ្នាំ ២០១០ នេះដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ