នយោបាយគ្រួសារកូនមួយចិនធ្វើអោយមនុស្សធំពេញវ៏័យពិបាកចូលចុះក្នុងសង្គម
យោងតាមការសិក្សាមួយ ដែលចេញផ្សាយក្នុងទស្សនាវដ្តីវិទ្យាសាស្ត្រមួយ នៅសហរដ្ឋអាមរិក កាលពីថ្ងៃ ព្រហស្បតិ៍ម្សិលមិញនេះ នយោបាយគ្រួសារកូនមួយរបស់ប្រទេសចិន ធ្វើអោយមនុស្សពិបាកនឹងចូលចុះក្នុងសង្គម និងខ្លាចរអារក្នុងការសំរេចចិត្ត នៅពេលដែលខ្លួនធំពេញវ័យឡើង។ បញ្ហានេះ អាចប៉ះពាល់ដល់សេដ្ឋកិច្ចរបស់ចិន ព្រោះថាប្រជាជនដែលចាប់មានអាយុពេញវ័យឡើងទៅ មានការស្ទាក់ស្ទើរក្នុងការសំរេចចិត្ត បង្កើតសហគ្រាស រឺក៍ចូលរួមជួយកែលំអ អោយសហគ្រាសក្នុងប្រទេស មានការលូតលាស់ទៅមុខ។សាធារណរដ្ឋប្រជាមានិតចិន ចាប់អនុវត្តនយោបាយ គាំទ្រអោយគ្រួសារមួយមានត្រឹមតែកូនតែម្នាក់ នៅឆ្នាំ ១៩៧៩ ដើម្បីបន្ថយនូវកំណើនប្រជាជនក្នុងប្រទេស។ បច្ចុប្បន្ននេះ ប្រជាជនចិនសរុបក្នុងស្រុក មានចំនួន ជាងមួយពាន់លាន នាក់។ នៅឆ្នាំ ២០១១ កន្លងមក នយោបាយគ្រួសារកូនមួយបាន ជួយបន្ថយអត្រាកំណើត បានដល់ទៅ ៤០០ លាននាក់។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣៤
ក្មេងកើតក្រោយឆ្នាំ ១៩៧៩ ត្រូវបានគេដាក់រហ័សនាម អោយថាជា ”ព្រះរាជាតូច” ដើម្បីបង្ហាញអំពី ការស្រលាញ់ និងទំយើរ ដ៏ហួសហេតុ របស់ឧពុកម្តាយពួកគេ ចំពោះពួកគេ។ ការសិក្សាដែលចេញផ្សាយក្នងទស្សនាវដ្ដី វិទ្យាសាស្ត្រមួយរបស់អាមរិក កាលពីថ្ងៃ ព្រហស្បតិ៍ម្សិលមិញនេះ សំរេចឡើងយោងតាម ការអង្កេតទៅលើមនុស្សប្រុស និងស្រី ចំនួន ៤២១នាក់ ដែលមួយភាគនៃអ្នកដែលត្រូវបានគេអង្កេតនេះ ចាប់កំណើតមុននឹងច្បាប់គាំទ្រអោយគ្រួសារមួយ មានត្រឹមតែកូនតែម្នាក់ ចូលជាធរមាន នៅប្រទេសចិន។ រីឯ អ្នកផ្សេងទៀត សុទ្ធតែកើតក្រោយឆ្នាំ ១៩៧៩។
នៅឆ្នាំ ១៩៧៩ ដើម្បីបន្ថយនូវកំណើនប្រជាជនក្នុងប្រទេស សាធារណរដ្ឋប្រជាមានិតចិន បានអនុវត្តនយោបាយ គាំទ្រអោយគ្រួសារមួយមានត្រឹមតែកូនតែម្នាក់ ប៉ុណ្ណោះ។
យោងតាមអ្នកស្រាវជ្រាវ មកពីសកលវិទ្យាល័យ Monash របស់អូស្ត្រាលី គុណវិបត្តិនៃនយោបាយគ្រួសារកូនមួយរបស់ចិន គឺថា ក្មេងដែលចាប់មានអាយុពេញវ័យឡើងទៅ មានទុទិដ្ឋិនិយមច្រើន ឆាប់មានអារម្មណ៍តឹងតែង មិនសូវមានការចង់ប្រកួតប្រជែងក្នុងសង្គម ពិសេសទៅទៀត ពួកគេមិនហ៊ានសំរេចចិត្ត បង្កើតសហគ្រាស រឺក៍ចូលរួមជួយកែលំអ អោយសហគ្រាសក្នុងប្រទេស មានការលូតលាស់ទៅមុខ។
លទ្ធផលនៃការសិក្សានេះ មិនមានអ្វីខុសប្លែកពីការសិក្សាជាច្រើន ទាក់ទងនយោបាយគ្រួសារកូនមួយនៅប្រទេសចិន ដែលធ្លាប់បានធ្វើកន្លងមកហើយនោះទេ។ យោងតាមការសិក្សាទាំងអស់នេះ នយោបាយគ្រួសារកូនមួយនៅប្រទេសចិន អាចបង្កជាផលប៉ះពាល់ជាអវិជ្ជមាន នៅពេលដែល ការសមត្ថភាពកាន់កាប់សហគ្រាស ក្នុងស្រុក នៅប្រទេសចិន អាចនឹងមានការអន់ថយ។
ដើម្បីចៀសវៀងបញ្ហានេះ រដ្ឋាភិបាលចិន ប្រហែលជានឹងអាចធ្វើការ ពិនិត្យមើលដើម្បីបន្ធូរបន្ថយ សំរួលច្បាប់នេះឡើងវិញ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ