មហោស្រពភាពយន្តអន្តរជាតិនៅទីក្រុងកានលើកទី ៦៥
ក្នុងចំណោមភាពយន្ត ១៧៧៩ ដែលបានចុះឈ្មោះសុំចូលប្រកួត មានតែកុនប្រមាណ៥៤រឿងប៉ុណ្ណោះ តំណាងឱ្យ២៦ប្រទេស ដែលត្រូវចាក់បញ្ចាំងនាឱកាសមហោស្រពភាពយន្តក្រុងកាន លើកទី ៦៥ ពីថ្ងៃទី ១៦ ដល់ថ្ងៃទី ២៧ ឧសភា ២០១២។ ចំណែកភាពយន្តដែលជាប់ចំណាត់ថ្នាក់ជាផ្លូវការ ក្នុងការប្រកួតដណ្តើមប៉ាល់ប័ត្រមាស គឺមានសរុបតែ ២២រឿងទេ។
ចុះផ្សាយនៅថ្ងៃ៖
ស្តាប់ - ០១:៥៤
"គួរឱ្យទាក់ទាញ និងរំជើបរំជួលបំផុត” ជាពាក្យពីរម៉ាត់ដែលអ្នកសេ្នហាភាពយន្តទាំងឡាយលាន់មាត់គ្រប់ៗគ្នា នៅពេលបានឃើញបញ្ជីឈ្មោះភាពយន្តប្រកួតដណ្តើមប៉ាល់ប័ត្រមាសឆ្នាំ២០១២នេះ។ ដ្បិតក្នុងមហោស្រពភាពយន្តលើកទី៦៥ នៅទីក្រុងកានប្រទេសបារាំង នេះ មានភាពយន្តមកពីគ្រប់ទ្វីបចូលរួម។ ក្នុងពេលដែលកុនអាស៊ីមិនសូវលេចធ្លោនាពេលនេះមែន តែភាពយន្តអាមេរិក អាមេរិកឡាទីន ប្រេស៊ីល កូឡុំប៊ី មានវត្តមានជាថ្មី និងក្នុងបរិមាណច្រើន។ បារាំងម្ចាស់ផ្ទះរៀបចំកម្មវិធី ក៏មានកិត្តិយសចូលប្រកួតដល់ទៅបីរឿង។ ចំណែកគណៈមេប្រយោគវិញ ឆ្នាំនេះមានសមាសភាពមកពី គ្រប់ផ្នែក។
ប្រធានគណៈមេប្រយោគ ជាសមិទ្ធិករភាពយន្តជនជាតិអ៊ីតាលី អបដោយសមាជិកគណៈមេប្រយោគជាតារាភាពយន្ត ជាសមិទ្ធិករ បារាំង អាល្លឺម៉ង់ រួមទាំងអ្នករចនាមូដសម្លៀកបំពាក់ដ៏ល្បីល្បាញរបស់បារាំង គឺលោក Jean Paul Gaultier ផង។
ក្រៅពីការប្រកូតប្រជែងយកពានរង្វាន់ មហោស្រពកាននេះ ក៏មានប្រពៃណីផ្តល់ឱកាសដល់ពិភពលោកទាំងមូលក្នុងការបង្ហាញស្នាដៃសិល្បៈភាពយន្ត និងភាពយន្តឯកសារសង្គ្រាន នយោបាយផងដែរ។ ឆ្នាំនេះគឺដល់វេនទ្វីបអាហ្វ្រិកម្តង ! មួយឆ្នាំក្រោយបដិវត្តន៍នៅប្រទេសអេហ្ស៊ីប ភាពយន្តស្តីពីភេរវកម្ម មកពីប្រទេសអាល់ហ្សេរី និងម៉ារុក ភាពយន្តឯកសារសង្គ្រាមនៅលីប៊ី នឹងត្រូវបង្ហាញលើផ្ទាំងសំពត់ស ក្រុងកាន លើកនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ