ស៊ីរី៖គណបក្សប្រឆាំងរួមប្រជុំដ៏សំខាន់នៅដូហា
ចាប់ពីថ្ងៃអាទិត្យទី៤វិច្ឆិកានេះទៅ សម័យប្រជុំដ៏សំខាន់បំផុតរបស់ក្រុមប្រឹក្សាជាតិ ស៊ីរី CNS,ចាប់ផ្តើមហើយរយៈពេល៤ថ្ងៃនៅទីក្រុង Doha ប្រទេស Qatar ។ .គោលដៅនៃជំនួបនៅដូហានេះ គឺការពង្រីកសមាជិកថ្មីៗថែមទៀតនៃក្រុមប្រឹក្សាជាតិស៊ីរីនេះ ដែលសហរដ្ឋអាមេរិក បានបង្ខំឲ្យមានការរៀបចំបង្កើតរដ្ឋាភិបាលស៊ីរីមួយនៅក្រៅប្រទេស។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១៤
សមាជិករបស់ក្រុមប្រឹក្សាជាតិស៊ីរី CNS ប្រមាណជា ២៨៦នាក់ ដែលចូលរួមប្រជុំ នៅទីក្រុង ដូហា ប្រទេសកាតានៅថ្ងៃអាទិត្យនេះ ត្រូវធ្វើវិសោធនកម្មលើលក្ខន្តិកៈស្ថាប័ណនេះ ដើម្បី ពង្រីកសមាជិកថ្មីថែមទៀត នៅមុនការរៀបចំបោះឆ្នោតដើម្បីជ្រើសរើសអ្នកដឹកនាំថ្មីរបស់ខ្លួននៅថ្ងៃពុធខាងមុខ។ សូមបញ្ជាក់ថា ក្រុមប្រឹក្សាជាតិស៊ីរី CNS ដែលរហូតមកទល់ពេលនេះ ត្រូវបានគេចាត់ទុកថា ជាគណបក្សប្រឆាំងបង្រួបបង្រួមជាតិស៊ីរីដ៏ចំបង មួយដែលមានគោលដៅដើម្បីធ្វើការទម្លាក់របបលោកប្រធានាធិបតីស៊ីរ Bachar Al-Assad។
ជាកិច្ចបង្គ្រប់បន្ថែមនៃជំនួបនេះ ដែលបានគ្រោងទុកជាយូរពេលមកហើយនោះ- ក្រុមសម្ព័ន្ធអារ៉ាបនិងប្រទេសកាតាដែលជាម្ចាស់ផ្ទះ បានអញ្ជើញអ្នកចូលរួមទាំងអស់ក៏ព្រមទំាងក្រុមផ្សេងៗទៀត និង ឥស្សរជន នៃគណបក្សប្រឆាំងស៊ីរី នៅក្នុងសម័យប្រជុំពិភាក្សាគ្នា មូយផ្សេងទៀតនៅថ្ងៃព្រហស្បតិ៍ខាងមុខ។
ម្យ៉ាងទៀតការបង្កើតរដ្ឋាភិបាលស៊ីរីមួយនៅក្រៅប្រទេស ប្រហែលជា នឹងត្រូវដឹកនាំ ដោយ អ្នកប្រឆាំងមួយរូបដែលគេគោរពស្រឡាញ់ច្រើន គឺលោក Riad Seifដែលក៏ជាអតីតអ្នកតំណាងរាស្រ្តស៊ីរីម្នាក់ធ្លាប់ជាប់ក្នុងពន្ធនាគារជាយូរឆ្នាំមកហើយ។ គំនិតផ្តួចផ្តើមថ្មីនេះ ទំនងជាត្រូវបានទទួលការលើកទឹកចិត្តពីសំណាក់សហគមន៍អន្តរជាតិ ជាពិសេសអាមេរិក-នេះជាការបញ្ជាក់របស់ លោក Burhan Ghalioun អតីតប្រធាននៃក្រុមប្រឹក្សាជាតិស៊ីរី CNS។
គួរបញ្ជាក់ថា សម័យប្រជុំនៅថ្ងៃព្រហស្បតិ៍ខាងមុខ ត្រូវប្រព្រឹត្តទៅ ក្រោយពី ក្រុមប្រឹក្សាជាតិស៊ីរី CNS ដែលត្រូវបានគេចាត់ទុកជាយូរមកហើយ ថា ជាដៃគូសន្ទនាស្របច្បាប់មួយរបស់សហគមន៍អន្តរជាតិ ត្រូវបានទីក្រុងវ៉ាស៊ីតោនអស់មានទំនុកទុកចិត្ត ដូចមុនទៀតឡើយ ដោយហេតុ តែអតីតប្រធាន CNS មានការទាស់ខ្វែងសំដីគ្នា នៅក្នុងវិបត្តិស៊ីរី។ ហេតុដូច្នេះហើយ បានជាសហរដ្ឋអាមេរិក ទាមទារ ឲ្យមានការពង្រីកសមាជិកថ្មីច្រើនថែមទៀតនៅក្នុងក្រុមប្រឹក្សាជាតិស៊ីរី ដោយរួមកម្លាំងជាមួយក្រុមអ្នកប្រឆាំងក្នុងប្រទេសស៊ីរី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ