អាមេរិក៖លោកអូបាម៉ាប្រកាសផែនការប្រយុទ្ធប្រឆំាងនឹងការប្រែប្រួលអាកាសធាតុ
នៅថ្ងៃចន្ទ ទី៣ សីហានេះ លោកប្រធានាធិបតីអាមេរិកបារ៉ាក់ អូបាម៉ានឹងប្រកាសចេញនូវផែនការប្រយុទ្ធប្រឆំាងនឹងការប្រែប្រួលអាកាសធាតុ។ នៅក្នុងផែនការនោះ អាមេរិកគ្រោងនឹងកាត់បន្ថយការចាក់ចោលឧស្ម័នពុលកាបូនិចទៅក្នុងបរិយាកាសឲ្យបាន ៣២% ចាប់ពីពេលនេះទៅដល់ឆ្នំា ២០៣០។ ផែនការប្រយុទ្ធប្រឆំាងនឹងការប្រែប្រួលអាកាសធាតុរបស់លោកអូបាម៉ាពេលនេះបានធ្វើឡើង ប៉ុន្មានខែមុននឹងសន្និសីទអន្តរជាតិស្តីពីបញ្ហាអាកាសធាតុដែលគ្រោងរៀបចំក្នុងទីក្រុងប៉ារីស ប្រទេសបារំាងនៅចុងឆ្នំា ២០១៥។
ចុះផ្សាយនៅថ្ងៃ៖
ស្តាប់ - ០២:១៣
ផែនការប្រយុទ្ធប្រឆំាងនឹងការប្រែប្រួលអាកាសធាតុដែលលោកប្រធានាធិបតីអាមេរិកអូបាម៉ាត្រៀមប្រកាសក្នុងថ្ងៃនេះ គឺជាផែនការមួយប្រកបដោយមហិច្ឆតា និងលំអិតសម្រាប់រដ្ឋរបស់អាមេរិកនីមួយៗ។ រូបលោកអូបាម៉ាផ្ទាល់ខ្លួនបានទទួលស្គាល់ថា ផែនការស្តីពីការទប់ទល់នឹងការឡើងកំដៅនៅក្នុងបរិយាកាសដែលអាមេរិកត្រៀមអនុម័តពេលនេះ គឺជាមហាផែនការមួយដែលអាមេរិកមិនធ្លាប់បានធ្វើទេនាពេលកន្លងមក។ តាមគម្រោង គ្រប់មជ្ឈមណ្ឌលផលិតអគ្គិសនីទំាងអស់នៅអាមេរិកនឹងត្រូវកាត់បន្ថយការបញ្ចេញផ្សែងឧស្ម័នពុលកាបូនិកចំនួន ៣២% ពីពេលនេះដល់ឆ្នំា ២០៣០ ដោយយកអត្រាក្នុងឆ្នំា ២០០៥ ធ្វើជាមូលដ្ឋាន។
ជាការដាក់ជំនួសវិញ មជ្ឈមណ្ឌលអគ្គិសនីទំាងអស់នឹងត្រូវប្រើថាមពលមិនចេះសាបសូន្យជំនួសនឹងការប្រើប្រាស់ធ្យូងថ្ម ឬប្រេងឥន្ធនៈដើម្បីផលិតភ្លើងអគ្គិសនី។ ថាមពលស្អាតស្អំមានដូចជា ពន្លឺព្រះអាទិត្យជាដើម។ នៅក្នុងខ្សែអាត់វីដេអូមួយចេញផ្សាយនៅថ្ងៃអាទិត្យ ទី២ សីហា លោកអូបាម៉ាបានបញ្ជាក់ថា ការប្រែប្រួសអាកាសធាតុមិនមែនជាបញ្ហាសម្រាប់មនុស្សតែមួយជំនាន់ទេ តែសម្រាប់មនុស្សគ្រប់ជំនាន់ទំាងអស់ និងថា វាជាការគំរាមកំហែងដល់សេដ្ឋកិច្ច សុខភាព និងសន្តិសុខរបស់អាមេរិក។ លោកអូបាម៉ាបានបន្ថែមថា ផែនការប្រយុទ្ធប្រឆំាងនឹងការប្រែប្រួលអាកាសធាតុនឹងចូលរួមកាត់បន្ថយតម្លៃប្រើប្រាស់ថាមពលរបស់ពលរដ្ឋអាមេរិកំាង និងចូលរួមបង្កើតការងារនៅក្នុងវិស័យថាមពលមិនចេះសាបសូន្យ។
គួរជម្រាបជូនថា បន្ទាប់ពីប្រទេសចិន អាមេរិកជាប្រទេសទី២ ខាងបំពុលបរិយាកាសក្នុងលោក ព្រោះភ្លើងអគ្គិសនី ៤០% នៅអាមេរិកបានមកពីមជ្ឈមណ្ឌលដើរដោយធ្យូងថ្មដែលជាវត្ថុធាតុដើមបំពុលបរិយាកាសខ្លំាងជាងគេ។ តែនៅមុនការប្រកាសរបស់លោកអូបាម៉ា ប្រតិកម្មបានធ្លាក់ជាបន្តបន្ទាប់ មានទំាងអ្នកគំាទ្រ និងអ្នកប្រឆំាង។ លោកស្រីហ៊ីឡារី គ្លីនតុនបានចាត់ទុកផែនការរបស់លោកអូបាម៉ាថា ជាការបោះមួយជំហានទៅមុខនៅក្នុងផ្នែកបរិស្ថាន។ តែក្រុមអ្នកសាធារណរដ្ឋដែលជាក្រុមប្រឆំាង និងមានសម្លេងភាគច្រើនៅសភាបានជំទាស់ដោយពួកគេចាត់ទុកផែនការរបស់លោកអូបាម៉ាថា ជាមហន្តរាយបំផ្លាញការងារ និងធ្វើឲ្យតម្លៃភ្លើងអគ្គិសនីឡើងថ្លៃដែលជាផលវិបាកសម្រាប់ពលរដ្ឋក្រីក្រ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ