ការខំប្រឹងប្រែងផ្តល់សន្ទុះថ្មីឱ្យដល់សេដ្ឋកិច្ចត្រូវបានបំផ្លិចបំផ្លាញដោយភ្លៀងធ្លាក់ច្រើនពេក
ភ្លៀងធ្លាក់ច្រើនពេក នៅប្រទេសហ្គ័រតេម៉ាឡា(Guatemala)នៅចុងសប្តាហ៍កន្លងផុតទៅនេះ បានបណ្តាលឱ្យស្លាប់មនុស្សយ៉ាងតិច៤០នាក់ នៅក្នុងការស្រុតបាក់ដី។លោកប្រធានាធិបតី Alvaro Colom បានចេញក្រិត្យប្រកាសអាសន្ន។ប្រទេសដ៏ក្រីក្រនៅអាមេរិកកណ្តាលនេះត្រូវប្រឈមមុខទល់នឹងគ្រោះធម្មជាតិនេះ បន្ទាប់ពីបានទទួលរងគ្រោះព្យុះសង្ឃរា Agatha នៅដើមខែមិថុនាមុនដែលបានបណ្តាលឱ្យស្លាប់មនុស្សជាច្រើនរយនាក់។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ វីនស្តុន រតនា
អាកាសធាតុមិនល្អនៅខែឩសភានិងមិថុនាបានបង្អន់ល្បឿនរួចស្រេចទៅហើយ ការចាប់មានកំណើនសេដ្ឋកិច្ចឡើងវិញ នៅហ្គ័រតេម៉ាឡា(Guatemala)។ប្រទេសនេះដែលប្រកបដោយចំនួនបណ្តាជន១៤លាននាក់ច្រើនជាងគេនៅអាមេរិកកណ្តាល បានរកឃើញឡើងវិញមាគ៌ានៃកំណើនសេដ្ឋកិច្ច បន្ទាប់ពីបានទទួលរងផលប៉ះពាល់ដោយវិបត្តិសេដ្ឋកិច្ចពិភពលោក នៅឆ្នាំ២០០៩។
នៅចុងខែសីហាមុន មូលនិធិរូបិយវត្ថុអន្តរជាតិ(FMI) ទោះជាយ៉ាងណាក៏ដោយ បានកត់សំគាល់ឃើញការងើបឡើងវិញនៃសេដ្ឋកិច្ច។គ្រោះធម្មជាតិមានលក្ខណៈធ្ងន់ធ្ងរក្រៃលែង នៅហ្គ័រតេម៉ាឡា ពីព្រោះធនធានប្រទេសចំនួនជិត២៥%ពឹងផ្អែកទៅលើវិស័យកសិកម្ម។ចំនួនពាក់កណ្តាលនៃប្រាក់ចំណូលបានមកពីការនាំចេញ បានមកពីដំណាំកាហ្វេ ចេកនិងស្ករ។ប្រកបដោយផលទុនប្រចាំឆ្នាំ២៥០០ដុល្លារគិតតាមបណ្តាជនម្នាក់ៗ ប្រទេសហ្គ័រតេម៉ាឡាជាប់ចំណាត់ថ្នាក់ទី១២១នៅលើពិភពលោក។
បណ្តាជនចំនួនពាក់កណ្តាលរស់នៅក្រោមបន្ទាត់ភាពក្រីក្រ ហើយចំនួន៥០%នៃកុមារអាយុពុំដល់៥ឆ្នាំកើតរោគកង្វះអាហារូបត្ថម្ភ ជាប្រចាំរៀងរាល់ថ្ងៃ។ចាប់ពីដើមឆ្នាំ២០១០នេះមក ជនជាតិហ្គ័រតេម៉ាឡាចំនួន១លាន៣សែននាក់ដែលបានចាកចេញទៅរស់នៅបរទេស ភាគច្រើន នៅស.រ.អា. បានផ្ញើប្រាក់ចំនួនជាង២ពាន់លានដុល្លារមកឱ្យគ្រួសារខ្លួនដែលរស់នៅក្នុងប្រទេស៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ