លោកនាយករដ្ឋមន្រ្តីជប៉ុនស្ហ៊ីនហ្សូ អាបេបំពេញទស្សនកិច្ចនៅក្នុងប្រទេសអាហ្សង់ទីន
បន្ទាប់ពីជំនួបកំពូល Apecនៅទីក្រុងLima ក្នុងប្រទេសPérouមក នាយករដ្ឋមន្ត្រីជប៉ុន លោក Shinzo Abe បានអញ្ជើញទៅបំពេញទស្សនកិច្ចនៅប្រទេសArgentineក្នុងថ្ងៃចន្ទ២១វិច្ឆិកា។ គឺជាដំណើរទស្សនកិច្ចក្នុងគោលដៅដើម្បីផ្តល់សន្ទុះវិស័យពាណិជ្ជកម្មទ្វេភាគីរវាងជប៉ុននិង Argentine ដែលជាប្រទេសសេដ្ឋកិច្ចលំដាប់ទី៣នៅអាមេរិកឡាទីន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤១
គឺជាដំណើរទស្សកិច្ចលើកដំបូងបង្អស់របស់នាយករដ្ឋមន្ត្រីជប៉ុននៅទីក្រុង Buenos Aires ប្រទេស Argentine ចាប់តាំងពីរយៈពេល៥៧ឆ្នាំកន្លងមកហើយនិងក្រោយពីដំណើរទស្សនកិច្ចរបស់អតីតនាយករដ្ឋមន្ត្រីជប៉ុនលោក Nobusuke Kishi នៅឆ្នាំ១៩៥៩មក។ គួរបញ្ជាក់ថា សហគ្រាសជប៉ុន មានវត្តមានយ៉ាងច្រើននៅ Argentine ជាអាទិ៍ឧស្សាហកម្មផលិតរថយន្តដូចជាម៉ាក Honda,Toyota, ឬ Nissanជាដើម។ គ្រាន់តែរោងចក្រ Hondaតែម្នាក់ឯងគត់ប៉ុណ្ណោះ បានផលិតរថយន្តសំរាប់លក់នៅក្នុងប្រទេស Argentine រហូតដល់ទៅចំនួន ២០%។
យោងតាមការបញ្ជាក់របស់ឯកអគ្គរាជទូតជប៉ុនប្រចាំ Argentine ប្រទេសជប៉ុន គ្រោងទុកការបង្កើនការវិនិយោគនៅ Argentine ដែលបច្ចុប្បន្ន មានត្រឹមតែ១០០លានដុល្លារក្នុងមួយឆ្នាំៗនោះ ឲ្យកើនឡើងដល់ទៅ ២០០០លានដុល្លារក្នុងមួយឆ្នាំៗសម្រាប់រយៈពេល៣ឆ្នាំ។ សូមបញ្ជាក់ថា នៅមុនដំណើរទស្សនកិច្ចរបស់លោកAbe នៅ Argentine ប្រមុខដឹកនាំធំៗនៅក្នុងលោក បានអញ្ជើញទៅបំពេញទស្សនកិច្ចជាបន្តបន្ទាប់គ្នានៅទីក្រុងBuenos Aires ដែលមានដូចជាលោកប្រធានាធិបតីបារាំងFrançois Hollande ប្រមុខរដ្ឋាភិបាលអ៊ីតាលី លោក Mateo Renzi និងលោក Justin Trudeau នាយករដ្ឋមន្ត្រីកាណាដានៅក្នុងឆ្នាំនេះ។
ប្រមុខរដ្ឋាភិបាលជប៉ុនត្រូវទទួលជួបជាមួយប្រធានាធិបតី Argentineនិន្នាការស្តាំកណ្តាលនិយមលោក Mauricio Macri និងជាមួយប្រធានសហគ្រាសនានាក៏ព្រមទាំងតំណាងសហគមន៍ជប៉ុនជាច្រើនរូបនៅ Argentine ដែលបច្ចុប្បន្ន មានគ្នាចំនួន៦ម៉ឺន៥០០០នាក់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ