លោកអូបាម៉ាបង្ខើចពេលនៅឥណ្ឌា ប៉ុន្តែនិមិត្តរូបនៃទស្សនកិច្ចនៅដដែល
ទស្សនកិច្ចផ្លូវរដ្ឋរបស់លោកប្រធានាធិបតីអាមេរិកនៅឥណ្ឌា គ្រោងធ្វើពីថ្ងៃទី ២៥ដល់២៧មករា ដោយហេតុតែមរណភាពរបស់ព្រះចៅអាប់ដាឡា លោកអូបាម៉ា បានសម្រេចលុបចោល គួរឱ្យភ្ញាក់ផ្អើលដំណើរទស្សនកិច្ចនៅតាក់មាហាល់ ដ៏ល្បីល្បាញរបស់ឥណ្ឌា ប៉ុន្តែខ្លឹមសារ និងជំនួបនយោបាយត្រូវបានរក្សាទុកដដែល។ អាមេរិកនិងឥណ្ឌា មហាអំណាចប្រជាធិបតេយ្យដ៏ធំជាងគេលើពិភពលោកទាំងពីរ បាននិងកំពុងបង្ហាញពីការខិតរកគ្នា គួរឱ្យកត់សម្គាល់ បន្ទាប់ពីទំនាក់ទំនងស្ងប់ស្ងាត់អស់ជាង១០ឆ្នាំ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤១
លោកប្រធានាធិបតីអាមេរិកបារ៉ាក់អូបាម៉ា នឹងត្រូវចូលរួមក្នុងពិធីដង្ហែក្បួនព្យុះហយាត្រាយោធា ជាលើកទីមួយ នាឱកាសថ្ងៃខួបនៃការកកើតរដ្ឋធម្មនុញ្ញឥណ្ឌា ថ្ងៃទី ២៦មករា។ បន្ទាប់មកនឹងមានជំនួបទ្វេភាគីជាច្រើនរវាងលោកអូបាម៉ា និងលោកនាយករដ្ឋមន្ត្រីឥណ្ឌា ណារិន្ត្រា ម៉ូឌី។
ឥណ្ឌានិងសហរដ្ឋអាមេរិកកំពុងធ្វើដំណើរខិតចូលគ្នា និងក្នុងល្បឿនដ៏លឿនទៀតផង។ កាលពីខែឧសភា ឆ្នាំ២០១៤ នៅពេលទទួលជ័យជំនះភ្លាមលោកនាយករដ្ឋមន្ត្រី ម៉ូឌី គ្រាន់តែជាមនុស្សថ្នាក់ទាប លក់តែម្នាក់ប៉ុណ្ណោះសម្រាប់វ៉ាស៊ីនតោន និងមានឈ្មោះក្នុងបញ្ជីហាមឃាត់ធ្វើដំណើររបស់អាមេរិកទៀតផង។ ប៉ុន្តែអ្វីៗបានប្តូរផ្លាស់ ក្រោយពីបានអញ្ជើញឱ្យចូលជួបនៅសេតវិមានកាលពីខែកញ្ញា លោកអូបាម៉ា បានបិទបញ្ចប់ភាពឯការបស់លោកម៉ូឌី។
ជាមួយនឹងជោគជ័យយ៉ាងត្រចះត្រចង់ រដ្ឋាភិបាលលោកម៉ូឌី អាចចរចានិងសម្រេចកិច្ចការបានយ៉ាងឯករាជ្យ ដែលសហរដ្ឋអាមេរិកត្រូវតែឆក់ឱកាសល្អនេះឱ្យបាន។ ជាងនេះទៅទៀត បើតាមការព្យាករណ៍របស់ធនាគារពិភពលោក ជាមួយនឹងកំណែទម្រង់ទាក់ទាញវិនិយោគរបស់លោកម៉ូឌី ឥណ្ឌានឹងមានកំណើនសេដ្ឋកិច្ចលើសប្រទេសចិននៅឆ្នាំ២០១៧ ដែលសហរដ្ឋ មិនអាចមើលរំលងបានឡើយ។ ការបោះប្តូរពាណិជ្ជកម្មឥណ្ឌា-អាមេរិកមានកំរិតតិចជាងចិន១០ដង។
ចំណែកខាងឥណ្ឌាវិញ ដោយប្រឈមនឹងអស្ថិរភាពរបស់ប្រទេសជិតខាង ការគំរាមកំហែងរបស់ចិន ឥណ្ឌាក៏ត្រូវការបង្អែកជាយុទ្ធសាស្ត្រដូចយ៉ាងសហរដ្ឋអាមេរិករបស់លោកអូបាម៉ាដែលចង់ពង្រឹងដែរវត្តមានយោធានៅតំបន់អាស៊ី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ