ភ្ញៀវប្រចាំថ្ងៃរបស់វិទ្យុបារាំង RFI នៅថ្ងៃសៅរ៍នេះ គឺលោក ក្រវ៉ាញ ដារ៉ន ប្រធានគណបក្សខ្មែរឈប់ក្រ។ គណបក្សខ្មែរឈប់ក្រ គម្រោងនឹងធ្វើកូដកម្មតវ៉ានឹងលទ្ធផលបោះឆ្នោត នៅថ្ងៃអាទិត្យ ទី១១សីហាស្អែកនេះ នៅទីលានប្រជាធិបតេយ្យ។ ប៉ុន្តែក្រសួងមហាផ្ទៃមិនអនុញ្ញាត។ យ៉ាងណាក៏ដោយ លោក ក្រវ៉ាញ ដារ៉ន បានអះអាងថា គណបក្សខ្មែរឈប់ក្រ រក្សាជំហរ ធ្វើកូដកម្មតវ៉ានឹងលទ្ធផលបោះឆ្នោត ហើយប្រសិនបើគណបក្សសង្គ្រោះជាតិ ដឹកនាំកម្លាំងតវ៉ានឹងលទ្ធផលបោះឆ្នោត នៅពេលខាងមុខមែននោះ លោកនឹងចូលរួមជាមួយដែរ។
