នាយករដ្ឋមន្ត្រីបញ្ជារអោយគ្រប់ស្ថាប័នប្រជុំផ្ទៃក្នុងលើការងារកំណែរទម្រង់រយៈពេលមួយឆ្នាំ
នៅក្នុងកិច្ចប្រជុំគណៈរដ្ឋមន្ត្រីកាលពីថ្ងៃសុក្រម្សិលម៉ិញ លោកនាយករដ្ឋមន្ត្រី ហ៊ុន សែន បាននែនាំទៅដល់មន្ត្រីនៅក្នុងជួរគណៈរដ្ឋមន្ត្រីរបស់លោក អោយប្រជុំផ្ទៃក្នុងនៅគ្រប់ស្ថាប័ណទាំងអស់ ដើម្បីពិនិត្យទៅលើការងារកំណែរទម្រង់ស៊ីជម្រៅរយៈពេល១ឆ្នាំ របស់រដ្ឋាភិបាល។ ជាផែន ការ ដែលលោកបានដាក់ចេញ នៅក្នុងកិច្ចប្រជុំដំបូងនៃគណៈរដ្ឋមន្ត្រី កាលពីថ្ងៃទី២៥កញ្ញាឆ្នាំ២០១៣។
ចុះផ្សាយនៅថ្ងៃ៖
ស្តាប់ - ០១:៤៨
ថ្ងៃទី២៥កញ្ញាឆ្នាំ២០១៤ គឺជាខួបមួយឆ្នាំគត់នៃការបង្កើតរាជរដ្ឋាភិបាលកម្ពុជា។ នៅក្នុងឳកាសនេះ លោកនាយករដ្ឋមន្ត្រី ហ៊ុន សែន បានបញ្ជាអោយមន្ត្រីរបស់លោកប្រជុំផ្ទៃក្នុងនៅគ្រប់ស្ថាប័នទាំងអស់ ដើម្បីពិនិត្យទៅលើការងារកំណែរទម្រង់ស៊ីជម្រៅរយៈពេល១ឆ្នាំមកនេះ។ នេះបើយោងតាមសេចក្តីប្រកាសព័ត៌មានស្តីពីលទ្ធផលនៃកិច្ចប្រជុំគណៈរដ្ឋមន្ត្រីកាលពីថ្ងៃសុក្រ ដោយមានការចូលរួមពីលោកនាយករដ្ឋមន្ត្រី ហ៊ុន សែន។
ថ្លែងនៅក្នុងកិច្ចប្រជុំនេះ លោក ហ៊ុន សែន ក៍បានក្រើនរំលឹកឡើងវិញនូវនីតិវិធីនៃផែនការកែរទម្រង់ស៊ីជម្រៅតាមរយៈការឆ្លុះកញ្ចក់ មុជទឹក ដុសក្អែល និងព្យាបាលផងដែរ។ ជាផែនការកំណែរទម្រង់មិនធ្លាប់មាន ដែលលោកបានដាក់ចេញ នៅក្នុងកិច្ចប្រជុំលើកដំបូងនៃគណៈរដ្ឋមន្ត្រីកាលពីឆ្នាំមុន។ ដែលកាលណោះ លោកនាយករដ្ឋមន្ត្រី ហ៊ុន សែន បានចំណាយពេលរាប់ម៉ោង ដើម្បីអានពីផែនការកំណែរទម្រង់ដែលលោកបានហៅថា ជាការកែរទម្រង់ដ៍ស៊ីជម្រៅនៅក្នុងរដ្ឋាភិបាលអាណត្តិទី។
លោក ផៃ ស៊ីផាន រដ្ឋលេខាធិការ និងជាអ្នកនាំពាក្យទីស្តីការគណៈរដ្ឋមន្ត្រី បានមើលឃើញពីភាពវិជ្ជមានច្រើននៃកំណែរទម្រង់របស់រដ្ឋាភិបាលរយៈពេល១ឆ្នាំមកនេះ ពិសេសនៅក្នុង កំណែទម្រង់រដ្ឋបាលសាធារណៈ តុលាការ បញ្ហាដីធ្លី និងការប្រមូលពន្ធជាដើម។
ប៉ុន្តែលោក កែម ឡី អ្នកសិក្សាស្រាវជ្រាវសង្គម បានមើលឃើញពីការរីកចំរើនតិចតួចនៃកំណែរទម្រង់របស់រដ្ឋាភិបាលអាណត្តិទី៥នេះ ហើយវាកាន់តែដើរថយក្រោយទៅវិញ នៅពេលដែលជំលោះនយោបាយអូសបន្លាយរយៈពេលមួយឆ្នាំមកនេះ មិនទាន់ត្រូវបានដោះស្រាយ ហើយថា ផែនការកំណែរទម្រង់ហាក់មានតែនៅលើក្រដាសនោះ។
សូមបញ្ជាក់ថា ក្រោយពីការប្រជុំផ្ទៃក្នុងនៅគ្រប់ស្ថាប័នទាំងអស់រួចហើយ គ្រប់ក្រសួងស្ថាប័ន នឹងផ្ញើរបាយការណ៍ទាំងអស់ទៅកាន់លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃដើម្បីពិនិត្យ មុនពេលបញ្ជូនបន្តទៅកាន់លោកនាយករដ្ឋមន្ត្រី ហ៊ុន សែន វាយតម្លៃ។ នេះបើតាមការបញ្ជាក់ពីលោក ផៃ ស៊ីផាន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ