លោក សម រង្ស៊ី៖ ការដកបង្គោលព្រំដែននៅភូមិកោះក្បានក្នុងឆ្នាំ២០០៩គឺត្រឹមត្រូវ
ចុះផ្សាយនៅថ្ងៃ៖
ស្តាប់ - ១៣:១៧
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក សម រង្ស៊ី ប្រធានគណបក្សសង្គ្រោះជាតិ។ លោក សម រង្ស៊ី នៅថ្ងៃនេះ បានបង្ហាញភាពត្រឹមត្រូវរបស់លោកនៅក្នុងសកម្មភាពដកបង្គោលព្រំដែនកម្ពុជា-វៀតណាម លេខ ១៨៥ នៅភូមិកោះក្បាន ឃុំសំរោង ស្រុកចន្ទ្រា ខេត្តស្វាយរៀង កាលពីថ្ងៃទី២៥តុលាឆ្នាំ២០០៩។ ឆ្នាំ២០០៩ ដែលលោក សម រង្ស៊ី ត្រូវបានតុលាការខេត្តស្វាយរៀងកាត់ទោសឲ្យជាប់ពន្ធនាគារយៈពេល២ឆ្នាំ ពីបទដកបង្គោលតម្រុយព្រំដែននេះ។ ប៉ុន្តែនៅថ្ងៃនេះ លោក សម រង្ស៊ី បានបញ្ជាក់ថា សកម្មភាពដែលលោកបានធ្វើកាលពីឆ្នាំ២០០៩នោះ គឺត្រឹមត្រូវ។ ការអះអាងរបស់លោក គឺយោងតាមផែនទីចំនួន២៦ផ្ទាំង ដែលលោកអះអាងថា ទើបតែយកមកពីប្រទេសបារាំង។
