លោកស្រី ភឿង សកុណា៖ បើយុវជនខ្មែរស្គាល់ខ្លួនឯងបានច្បាស់ វប្បធម៌បរទេសមិនអាចគ្របដណ្តប់បានឡើយ
ចុះផ្សាយនៅថ្ងៃ៖
ស្តាប់ - ១១:២៤
សិល្បៈករប្រមាណជាងបួនពាន់នាក់បានជួបជុំគ្នាពិសារអាហារសាមគ្គីជាមួយប្រមុខរដ្ឋាភិបាលនៅល្ងាចថ្ងៃអង្គារនេះ តាមរយៈការរៀបចំរបស់ក្រសួងវប្បធម៌ និងវិចិត្រសិល្បៈ។ ជំនួបប្រចាំឆ្នាំនេះ ធ្វើឡើងចំថ្ងៃទិវាវប្បធម៌ជាតិ ៣មីនាខួបទី២២ឆ្នាំ។ លោកស្រី ភឿង សកុណា រដ្ឋមន្ត្រីក្រសួងវប្បធម៌ដែលជាភ្ញៀវប្រចាំ ថ្ងៃរបស់វិទ្យុបារាំងអន្តរជាតិRFI បានថ្លែងថា ការប្រារព្ធទិវាវប្បធម៌ជាតិក្រោមប្រធានបទ «យុវជនដើម្បីវប្បធម៌ជាតិ»គឺធ្វើឡើងស្របទៅតាមកាលៈទេសៈសង្គមជាតិបច្ចុប្បន្ននេះ។ បើតាមលោកស្រីរដ្ឋមន្ត្រី ប្រសិនបើយុវជនខ្មែរស្គាល់ខ្លួនឯងបានច្បាស់ នោះវប្បធម៌បរទេសមិនអាចគ្របដណ្តប់ខ្លួនយើងបានឡើយ។