លោក ហែម សុជាតិ៖ យុទ្ធសាស្រ្តមិនឲ្យលោក កឹម សុខា ចូលខ្លួនទៅបំភ្លឺនៅតុលាការ គឺជាជោគជ័យ
ចុះផ្សាយនៅថ្ងៃ៖
ស្តាប់ - ១០:៥៩
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅរាត្រីនេះ គឺលោក ហែម សុជាតិ មេធាវីម្នាក់ក្នុងចំណោមមេធាវី ៥នាក់ ដែលការពារក្តីលោក កឹម សុខា ប្រធានទីស្តីគណបក្សសង្រ្គោះជាតិ។ឆ្លើយតបនឹងសំណួររបស់វិទ្យុបារាំងអន្តរជាតិ RFI លោក ហែម សុជាតិ បានបញ្ជាក់ថា ករណីរបស់លោក កឹម សុខា ក្រុមមេធាវីនឹងដាក់ពាក្យប្តឹងឧទ្ធរណ៍នៅថ្ងៃទី ១៥តុលា ខាងមុខនេះ ពោលគឺ នឹងមិនឲ្យលើសពីថ្ងៃ ដែលសាលក្រមរបស់តុលាការសាលាដំបូងក្រុងភ្នំពេញចូលជាស្ថាពរនោះទេ។ បើតាមលោក មេធាវី ការធ្វើដូច្នេះ គឺជាយុទ្ធសាស្រ្ត ដើម្បីបន្ថយល្បឿនដំណើរការនីតិវិធីរបស់តុលាការលើករណីរបស់លោក កឹម សុខា។ មិនតែប៉ុណ្ណោះ យុទ្ធសាស្រ្តមិនឲ្យលោក កឹម សុខា ចូលខ្លួនទៅបំភ្លឺនៅតុលាការនាពេលកន្លងមក គឺជាជោគជ័យមួយ។
